Токтогул ГЭСинде суунун көлөмү 13 млрд куб метрге дээрлик жетти

Бүгүн, 5-августта Токтогул суу сактагычындагы суунун көлөмү 12 млрд 972 млн куб метрди түздү. Мындай маалымат “Электр станциялары” ишканасынын көрсөткүчүндө берилди.

Учурда суунун агып келиши секундасына 556 куб метрди түзсө, агып чыккан суунун көлөмү 449 куб метрге жетүүдө.

Белгилей кетсек, март айында өлкөнүн башкы суу сактагычындагы запасы 7.9 млрд куб метрге чейин төмөндөп кеткен болчу.

Суу сактагычтагы суунун максималдуу деңгээли – 19.5 млрд куб метр, нормалдуу көлөмү – 17.3 млрд болсо, пайдалуу өлчөмү – 14 млрд куб метрди түзүшү керек.

Суу сактагычтагы суунун эң жогорку көлөмү (19.5 млрд куб метр) 2017-жылы толгон. Ал эми эң төмөнкү чеги 2008-2009-жылдары, кийин 2014-жылы 6.4 млрд куб метрге чейин азайган.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Токтогул шаары 5,3 млн сомго таштанды ташуучу унаа сатып алды

20-ноябрда Бишкектин кээ бир аймактарында суу берилбейт

Кыргызстан менен Казакстан салык тармагындагы кызматташтыкты талкуулады

Улуттук банк 1 коммерциялык банкка 5 миң 354 сом айып пул салды

Кыргыз-өзбек чек арасында бажы-логистикалык терминал ачылды