2022-жылы Кореяда кыргызстандыктарды жумушка орноштуруу үчүн квота жылына 1.8 миң адамга жетти
2022-жылы Кореяда кыргызстандыктарды жумушка орноштуруу үчүн квота жылына 1.8 миң адамга жеткен. Бүгүнкү күндө КР жарандарын чет өлкөлөрдө ишке орноштуруу борбору буга чейин 515 кыргызстандыкты жумуш менен камсыз кылган. Бул тууралуу USAID агенттигинин июль айындагы отчетунда айтылат.
USAIDдин Борбор Азиядагы коопсуз миграция программасы борбордун кызматкерлеринин Түштүк Кореяга таанышуу сапарын колдоого алды.
Борбор 2007-жылдан бери Кыргызстан менен Түштүк Кореянын өкмөттөрүнүн ортосундагы кызматташуу меморандумунун негизинде кыргызстандыктарды Түштүк Кореянын ишканаларына жумушка орноштурууга көмөктөшүү боюнча иш алып барууда.
«Таанышуу сапарынын жүрүшүндө делегация Кореянын облустарынын губернаторлору менен жолугушуп, кыргызстандык мигранттарды ишке орноштуруу мүмкүнчүлүктөрүн талкуулашты. USAID Кыргызстанда жана Борбор Азияда коопсуз миграцияга көмөк көрсөтүүнү улантууда”, – деп айтылат маалыматта.
