Финансы-кредиттик фонд сүт өндүрүү тармагына насыя бере баштады
Финансы министрлигине караштуу Финансы-кредиттик фонд сүт тармагына насыя бере баштады. Бул тууралуу аталган министрликтин басма сөз кызматы билдирди.
КРнын сүт тармагынын өндүрүмдүүлүгүн жогорулатуу максатында «Сүт секторун кредиттөө долбоору» иштелип чыккан. Министрлик программа сүт өндүрүү үчүн бодо малдын санын көбөйтөт деп ишендирүүдө.
Белгиленгендей, айылдык товар өндүрүүчүлөргө 500 миң сомго чейин жана дыйкан чарбаларына 1 млн сомго чейин кредиттер берилет.
Насыялар төмөнкү шарттарда берилет:
- жылдык 6% менен
- 36 айга чейин
- күрөө менен
- 9 айга негизги карызды жабуу үчүн жеңилдетилген мөөнөт менен
- квартал сайын төлөө
- кепилдик менен 150 миң сомго чейин кредиттерди берүүнү карайт.
- Кошумча маалымат алуу үчүн Финансы-кредиттик фонддун 0312 30 48 83, 0997 88 55 54, 0755 55 88 71 телефондоруна кайрылууга болот.
- Дареги: Бишкек шаары, Эркиндик бульвары, 58, Борбордук Казыналык Министрлигинин имараты.
