«Креативдүү индустриялар паркы жөнүндө» мыйзамга кол коюлду. Кимге пайдалуу?

Президент Садыр Жапаров «Креативдүү индустриялар паркы жөнүндө» мыйзамга кол койду. Бул тууралуу өлкө башчынын маалымат кызматы билдирди.

Мыйзам ЖК тарабынан 2022-жылдын 30-июнунда кабыл алынган.

“Креативдүү индустриалдык парктын түзүлүшү бардык чөйрөлөрдө алардын экономикалык көрсөткүчтөрүнүн, жумуш орундарынын санынын, жогорку кирешелүү продукциянын экспортунун жана салык төлөмдөрүнүн динамикалык өсүшүн гана эмес, ошондой эле Кыргызстан креативдүү бизнес ачуу, карьералык өсүү жана инвестициялоо үчүн өлкө катары эл аралык жагымдуулугун жогорулатууну билдирет”, – деп айтылат маалыматта.

Кыргызстандын креативдүү өнөр жай ассоциациясынын маалыматы боюнча, КР мындай мыйзамды кабыл алган дүйнөдө биринчи өлкө болуп саналат.


Июнь айында бекитилген мыйзамга ылайык, креативдүү чөйрөдө иштегендер айрым салыктардан жана социалдык төлөмдөрдөн бошотулат. Ага архитектор, дизайнер, блогер, музыкант, журналист, жарнама, графика, анимация сыяктуу 15ден ашык жаңы багыттагы иш жүргүзгөндөр кирет. Дал ушул тармакта иштегендер Креативдүү индустрия паркына мүчө болуп кирип, салык, социалдык төлөмдөр жаатында жеңилдиктерге ээ боло алышат.

Эскерте кетсек, 2021-жылдын жыйынтыгы боюнча Кыргызстандын Жогорку технологиялар паркынын (ЖТП) резиденттеринин кирешеси 81%га өсүп, 2 млрд 117 млн ​​сомго жеткен.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Токтогул шаары 5,3 млн сомго таштанды ташуучу унаа сатып алды

20-ноябрда Бишкектин кээ бир аймактарында суу берилбейт

Кыргызстан менен Казакстан салык тармагындагы кызматташтыкты талкуулады

Улуттук банк 1 коммерциялык банкка 5 миң 354 сом айып пул салды

Кыргыз-өзбек чек арасында бажы-логистикалык терминал ачылды