Кыргыз-корея комиссиясынын 5-жыйынына даярдык башталды

Экономикалык кызматташтык боюнча кыргыз-корея комиссиясынын 5-жыйынына даярдык көрүү маселелери талкууланды.

Бул тууралуу 8-августта КР Экономика жана коммерция министринин орун басары Канат Абдрахманов Кореянын КРдагы Атайын жана Ыйгарым укуктуу Элчиси Ли Вонджэ мырза менен жолугушуу учурунда айтылганын министрликтин маалымат кызматы билдирди.

Жолугушуунун жүрүшүндө тараптар КР менен Кореянын ортосундагы экономикалык кызматташтыкты өнүктүрүүгө жана кеңейтүүгө жана алдыңкы илимий технологияларды киргизүү боюнча Кореянын тажрыйбасын изилдөөгө кызыкдар экендиктерин баса белгилешти.

“Мындан тышкары, тараптар экономикалык кызматташуу боюнча өкмөттөр аралык кыргыз-корей комиссиясынын 5-жыйынына даярдык көрүү маселелерин талкуулашты“, – деп айтылат билдирүүдө.

Белгилей кетсек, өкмөттөр аралык комиссиянын иши соода жана инвестиция чөйрөсүндө атаандаштыкка жөндөмдүүлүктү жогорулатуу, чакан жана орто бизнести колдоо жана жумуш орундарын камсыз кылуу аркылуу КРда туруктуу экономикалык өсүштү колдоого багытталган.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Токтогул шаары 5,3 млн сомго таштанды ташуучу унаа сатып алды

20-ноябрда Бишкектин кээ бир аймактарында суу берилбейт

Кыргызстан менен Казакстан салык тармагындагы кызматташтыкты талкуулады

Улуттук банк 1 коммерциялык банкка 5 миң 354 сом айып пул салды

Кыргыз-өзбек чек арасында бажы-логистикалык терминал ачылды