Транспорт, турак-жай жана жер салыктарын төлөөгө 10 күн калды
Унаа, турак-жай, батир жана жер участогуна салыктарды төлөп жетишүүгө 10 күн калды.
Андыктан Салык кызматы транспорт каражаттарынын, турак-жай мүлктөрүнүн жана жер үлүштөрүнүн ээлерин убакыттан пайдаланып, төлөө мөөнөтү 1 жана 2-сентябрда бүтө турган транспортко, турак-жайга жана жерге төлөнүүчү салыкты төлөөгө шашылууга чакырат.
Салыктарды бардык банктардын кассаларында, почта бөлүмүндө, ошондой эле төлөм терминалдары, мобилдик жана интернет-банкинг аркылуу төлөөгө болот.
1-сентябрга чейин төмөнкү салыктар төлөнүшү керек:
- транспорт каражаттарына салык
- ишкердик иш үчүн пайдаланылбаган турак үй, батирлерге салык
- короо-жай жанындагы, бактуу-чарба жер участокторуна жер салыгы
Calculator.salyk.kg сайтында салыктын суммасын өз алдынча эсептесе болот.
Салыктарды өз убагында төлөбөгөн учурда жеке жактарга 1000 сом, юридикалык жактарга – 5000 сом өлчөмүндө административдик айып салынат.
