Кыргызстандын банктары жана Улуттук банк валюталык операциялардан көп киреше алышты - Улутстатком

Кыргызстандын финансы секторундагы уюмдардын жалпы кирешеси 2022-жылдын январь-июнь айларында 46.1 млрд сомду түзүп, 2021-жылдын ушул мезгилине салыштырмалуу 1.5 эсеге өскөн. Бул сектордун кирешелеринин өсүшү негизинен банк сектору менен байланыштуу. Бул тууралуу бүгүн, 24-августта, Улутстатком билдирди.

Финансы секторунун уюмдарынын чыгашалары ушул эле мезгилде 27.7 млрд сомду түзүп, 37%га өскөн.

Быйылкы жылдын биринчи жарым жылдыгында Кыргызстандын финансы тармагында 594 уюм, анын ичинде Улуттук банк, 23 коммерциялык банк, 556 банктык эмес финансы-кредиттик уюмдар жана 14 камсыздандыруу компаниясы иштеген.

2022-жылдын биринчи жарым жылдыгынын жыйынтыгы боюнча ишканалардын 66%ы киреше алып, 13.5%ы чыгашага учураган. Балансталган финансылык натыйжа 18.4 млрд сом өлчөмүндө пайда түзүлдү, бул 2021-жылдын тийиштүү мезгилине салыштырмалуу 1.8 эсеге (8.2 млрд сомго) көп.

Кирешенин өсүшү коммерциялык банктардын (6.5 млрд сомго) жана Улуттук банктын (1.7 млрд сомго) эсебинен камсыз кылынган. Бул алардын валюталык операциялардан түшкөн кирешесинин көбөйүшү менен шартталган.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Токтогул шаары 5,3 млн сомго таштанды ташуучу унаа сатып алды

20-ноябрда Бишкектин кээ бир аймактарында суу берилбейт

Кыргызстан менен Казакстан салык тармагындагы кызматташтыкты талкуулады

Улуттук банк 1 коммерциялык банкка 5 миң 354 сом айып пул салды

Кыргыз-өзбек чек арасында бажы-логистикалык терминал ачылды