Кытайлык Foton компаниясы менен Ошто автобус чыгаруучу заводун ачуу маселеси талкууланды

Ош шаарында кечээ, 23-августта, биринчи вице-мэр Марс Исаев Кытай Эл Республикасынан келген бир катар инвесторлор менен жолукту. Тараптар биргелешкен долбоорлорду ишке ашыруу тууралуу сүйлөшүштү, деп билдирди Ош мэриясынын басма сөз кызматы.

  • КМШ өлкөлөрүндө Foton маркасынын автобустарын сатуу боюнча директор Лю Гуанвэй менен жолугушууда Ош шаарында автобус чогултуу боюнча биргелешкен ишкана ачуу жана жергиликтүү башкаруу органдары менен бирге өндүрүштү өнүктүрүү боюнча кызматташуу маселелери талкууланды.
  • Ошондой эле Хэнань университетинин Жибек Жолу Кыргыз-Кытай институтунун аткаруучу директору Лян Чжянь Чжун менен жолугушуу өтүп, анда аталган университеттин факультетин Ош шаарында ачуу, туризмди жана айыл чарбасын өнүктүрүү боюнча кызматташуу маселелери тууралуу сөз жүрдү.
  • Ага улай Кытай темир жолунун биринчи тобунун Түштүк Азия өкүлчүлүгүнүн өкүлү Гай Цай менен саркынды суу системасын модернизациялоо, суу менен камсыздоо тутумдарына фильтрлерди орнотуу боюнча сунуштар жөнүндө талкуу болду.

Жолугушуунун соңунда тараптар пландалган долбоорлорду мындан ары өнүктүрүү жана ишке ашыруу үчүн тыгыз байланышта болууну макулдашышты.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Токтогул шаары 5,3 млн сомго таштанды ташуучу унаа сатып алды

20-ноябрда Бишкектин кээ бир аймактарында суу берилбейт

Кыргызстан менен Казакстан салык тармагындагы кызматташтыкты талкуулады

Улуттук банк 1 коммерциялык банкка 5 миң 354 сом айып пул салды

Кыргыз-өзбек чек арасында бажы-логистикалык терминал ачылды