Баланын туулгандыгы тууралуу күбөлүгүн берүүнү автоматташтыруу боюнча жаңы сервис ишке кирет

Санариптик өнүктүрүү министрлиги баланын туулгандыгы тууралуу күбөлүгүн берүүнү автоматташтыруу боюнча жаңы сервис иштелип жаткандыгын билдирди.

Жакында аталган министрликтин алдындагы «Түндүк», «Инфоком» МИлеринин, Калкты каттоо департаментинин жана Саламаттык сактоо министрлигинин алдындагы Электрондук саламаттык сактоо борборунун өкүлдөрүнүн жумушчу жыйыны болуп өткөн.

Жыйындын жүрүшүндө баланын туулгандыгы тууралуу күбөлүгүн берүүнү автоматташтыруу боюнча маселелер, ошондой эле Электрондук кызмат көрсөтүүлөр мамлекеттик порталына аталган кызматты жайгаштыруу механизмдери талкууланган.

“Бул сервис ата-энелерге баланын туулгандыгы тууралуу күбөлүгүн онлайн режиминде тариздөөгө мүмкүндүк берет. Төрөт үйлөрүндө медициналык күбөлүк берилгенде булуттук электрондук кол тамгалар дагы кошо берилет, анын жардамы менен баланын ата-энеси Электрондук кызмат көрсөтүүлөр мамлекеттик порталы аркылуу баланын туулгандыгы тууралуу күбөлүгүн алуу үчүн онлайн арыз жибере алышат”, – деп айтылат маалыматта.

Министрлик азыркы учурда бул кызматтын толук кандуу иштеши үчүн бардык техникалык процесстер кылдат текшерүүдөн өтүп жаткандыгын кошумчалады.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Токтогул шаары 5,3 млн сомго таштанды ташуучу унаа сатып алды

20-ноябрда Бишкектин кээ бир аймактарында суу берилбейт

Кыргызстан менен Казакстан салык тармагындагы кызматташтыкты талкуулады

Улуттук банк 1 коммерциялык банкка 5 миң 354 сом айып пул салды

Кыргыз-өзбек чек арасында бажы-логистикалык терминал ачылды