Экономиканын финансы секторунун кирешеси жарым жылда 46.1 млрд сомду түздү
2022-жылдын январь-июнунда экономиканын финансы секторунун уюмдарынын кирешелеринин суммардык көлөмү 2021-жылдын тийиштүү мезгилине салыштырмалуу 1.5 эсеге көбөйүү менен 46.1 млрд сомду түзгөн. Мындай маалыматты Улутстатком берди.
Бул банк секторунун кирешелеринин өсүшүнүн эсебинен камсыз болгон. Ушул эле мезгилде финансы секторунун уюмдарынын чыгымдары 27.7 млрд сомду түзуп, 37%га өскөн.
2022-жылдын I жарым жылдыгынын жыйынтыгы боюнча ишканалардын 66% пайда алышты, ал эми 13.5% – чыгаша алды.
Сальдолоштурулган финансылык жыйынтык 18.4 млрд сом пайда суммасында түзүлдү, бул 2021-жылдын тийиштүү мезгилине караганда 1.8 эсеге (8.2 млрд сомго) көп.
Пайданын өсүшү коммерциялык банктар (6.5 млрд сомго) жана Улуттук банк менен (1.7 млрд сомго) камсыздалган, бул чет өлкөлүк валюта операциялары боюнча кирешелеринин көбөйүшү себеп болду.
2022-жылдын 1-июлуна карата банктардын жана банктык эмес финансылык-кредиттик уюмдардын ачык кредиттик портфелинин суммардык көлөмү 217 миллиарддан ашык сомду түзгөн.
Банктык секторуна кредиттердин жалпы көлөмүнүн 86%, банктык эмес финансылык-кредиттик уюмдарынын секторуна – 14% туура келген. Кредиттөөнүн негизги багыттары соода чөйрөсү (жалпы көлөмүнүн 25.6%), айыл чарба (20%), керектөө муктаждыктары (17%), ипотека (10%) жана курулуш (7%) болуп саналды.
2022-жылдын I жарым жылдыгында экономиканын финансы секторунда 594 уюм, анын ичинде Улуттук банк, 23 коммерциялык банк, 556 банктык эмес финансылык-кредиттик уюм жана 14 камсыздандыруу компаниясы ишин жүргүздү.
