Эми юридикалык жактарды каттоону жана алардын ишин токтотууну 3-6 саатта бүтүрсө болот - токтом чыкты
Кыргызстанда юридикалык жактарды жана алардын филиалдарын (өкүлчүлүктөрүн) мамлекеттик каттоо (кайра каттоо) жана ишин кыска мөөнөттө, тагыраак айтканда, 3-6 саат ичинде токтотулганын каттоого мүмкүндүк берген токтом чыкты.
Салыктык эмес кирешелер жөнүндө КРнын кодексинин 45-беренесин ишке ашыруу максатында, «КРнын министрлер кабинети жөнүндө» КРнын конституциялык Мыйзамынын 13, 17-беренелерине ылайык, министрлер кабинети токтом чыгарды.
1. Жыйымдын өлчөмдөрү төмөнкүдөй белгиленди:
1) юридикалык жактарды, филиалдарды (өкүлчүлүктөрдү) мамлекеттик каттоо үчүн:
- КРнын мыйзамдарында белгиленген мөөнөттө – 507 сом
- 1 жумуш күндүн ичинде – 1200 сом
- 6 сааттын ичинде – 2500 сом
- 3 сааттын ичинде – 3200 сом.
2) юридикалык жактарды, филиалдарды (өкүлчүлүктөрдү) мамлекеттик кайра каттоо үчүн:
- КРнын мыйзамдарында белгиленген мөөнөттө – 457 сом
- 3 жумуш күндүн ичинде – 1700 сом
- 1 жумуш күндүн ичинде – 3000 сом
- 6 сааттын ичинде – 3700 сом.
3) юридикалык жактарды, филиалдарды (өкүлчүлүктөрдү) ишинин токтотулганын мамлекеттик каттоо үчүн:
- КРнын мыйзамдарында белгиленген мөөнөттө – 526 сом
- 3 жумуш күндүн ичинде – 940 сом
- 1 жумуш күндүн ичинде – 1880 сом
- 6 сааттын ичинде – 2820 сом.
Бул токтом расмий жарыяланган күндөн тартып жети жумуш күн өткөндөн кийин күчүнө кирет.
