Январь-июнь айларында республиканын тышкы соода жүгүртүүсү 5 млрд долларга жетти

Январь-июнь айларында республиканын тышкы соода жүгүртүүсү 5 млрд долларды түздү. Бул тууралуу Чолпон-Ата шаарында өтүп жаткан Евразия өкмөттөр аралык кеңешинин кеңейтилген курамдагы жыйынында министрлер кабинетинин төрагасы Акылбек Жапаров билдирди.

Жапаровдун берген маалыматына ылайык, биринчи жарым жылдыкта ЕАЭБге мүчө мамлекеттердин жалпы ИДПсы 3.6%га өскөн. Тагыраак айтканда, өнөр жайдын көрсөткүчтөрү – 1.8%га, айыл чарба – 1.6%га өсүү тенденциясын көрсөтүп, негизги капиталга инвестициялардын көрсөткүчтөрү да 11.1%га өскөн.

“2022-жылдын 7 айынын жыйынтыгы боюнча КРнын ИДПсынын өсүү тенденциясы сакталууда. Алсак, реалдуу өсүү темпи 107.7%ды түзүп, анын көлөмү 425 млрд сомду түздү.

Январь-июнь айларында республиканын тышкы соода жүгүртүүсү 5 млрд АКШ долларын түзүп, өткөн жылдын ушул мезгилине салыштырмалуу 25.4%га өстү. Интеграциялык бирикмеге мүчө мамлекеттер менен өз ара сооданын өсүшү 6 айда 34%ды түзсө, экспорт – 69%га, импорт 23%га өскөн”, – деди Жапаров.

Ошондой эле микабдын жетекчиси ЕАЭБге мүчө-мамлекеттердин улуттук төлөм карттарын өз ара кабыл алууну камсыз кылуу, өз ара эсептешүүлөрдө улуттук валюталардын үлүшүн ырааттуу жогорулатуу менен корреспонденттик эсептерди пайдалануу менен эсептешүүлөрдү өнүктүрүү, ЕАЭБ мүчө мамлекеттер ортосунда финансылык маалыматтарды тоскоолдуксуз өткөрүү, уюмга мүчө мамлекеттердин улуттук валюталарынын валюталык жуптары менен биржалык сооданы өнүктүрүү маселелери боюнча зарыл сунуштар аныкталганын белгиледи. 

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Токтогул шаары 5,3 млн сомго таштанды ташуучу унаа сатып алды

20-ноябрда Бишкектин кээ бир аймактарында суу берилбейт

Кыргызстан менен Казакстан салык тармагындагы кызматташтыкты талкуулады

Улуттук банк 1 коммерциялык банкка 5 миң 354 сом айып пул салды

Кыргыз-өзбек чек арасында бажы-логистикалык терминал ачылды