Бөлтүрүк Кытайдын оор машина куруу корпорациясы менен кызматташуу боюнча меморандумга кол койду
«Кумтөрдүн» мурдагы тышкы менеджери Тенгиз Бөлтүрүк жетектеген «Улуу көчмөндөрдүн мурасы» Улуттук холдинг компаниясы («УКМ») Кытайдын Улуттук оор машина куруу корпорациясы (СMS, China National Heavy Machinery Corporation) менен кызматташуу жөнүндө меморандумуна кол койду.
УКМнын атынан Бөлтүрүк меморандумга кол койгон, бирок СНМС тараптан ким кол койгонун холдингдин басма сөз кызматы маалымат берген жок.
Меморандумга кол коюу аземи 24-августта, башкача айтканда, Эсеп палатасы “Кумтөрдө” каржылык мыйзам бузууларды аныктап, “Бөлтүрүк” кенди башкаруу кызматынан алынгандын эртеси күнү болгон.
УКМнын басма сөз кызматы билдиргендей, түзүлгөн меморандумдун алкагында «тараптар тоо-кен, гидроэнергетика жана логистика тармагында биргелешкен долбоорлорду ишке ашырууга көмөктөшүү боюнча иш алып барууну макулдашышкан».
Холдинг ошондой эле CHMC жол куруу жана айыл чарба машиналарын, коммерциялык унааларды, станокторду жана ар кандай өнөр жай жабдууларын чыгарууга адистешкен эң ири кытайлык мамлекеттик конгломераттардын бири экенин, ошондой эле энергетика жана транспорт объектилерин куруу менен алектенерин белгиледи.
