Быйыл айыл чарба техникалары лизингге эң көп Чүй облусуна берилди
Быйыл лизингге берилген жалпы айыл чарба техникаларын (7 862.3 млн сомго 4299 даана техника) облустар боюнча алып караганда эң көп санда Чүй облусуна берилген. Мындай маалыматты Айыл чарба министрлигинин берген маалыматынан көрүүгө болот.
“Айыл Банк” ААК аркылуу айылдык товар өндүрүүчүлөргө лизингге дан эгиндерин оруп жыйноочу комбайндарды, ар түрдүү үлгүдөгү тракторлорду жана башка айыл чарба шаймандарын жеңилдетилген шарттарда жылдык үстөгү 6-9% менен 7 жылдан 10 жылга чейин лизингге берип келүүдө.
“Бүгүнкү күнгө карата бардыгы болуп 7.8 млн сомго 4299 даана техника лизинг жолу аркылуу дыйкандарга берилди, ал эми 2022-жылы 1.6 млн сомго 524 техника берилген”, – дейт министрлик.
- Лизингге берилген жалпы айыл чарба техникаларын облустар боюнча алып караганда:
- Чүй облусу – 3 052.3 млн сомго 1280 техника
- Ысык-Көл облусу – 1 243.8 млн сомго 614 техника
- Ош облусу – 1 234.8 млн сомго 695 техника
- Жалал-Абад облусу – 1 009.2 млн сомго 718 техника
- Талас облусу – 634.6 млн сомго 501 техника
- Нарын облусу – 371.3 млн сомго 245 техника
- Баткен облусу – 316.3 млн сомго 246 техника берилген.
2. Ал эми 2022-жылы лизингке берилген техникаларды (1 677.3 млн сомго 524 даана техника) облустар боюнча алып караганда:
- Чүй облусу – 486.8 млн сомго 142 техника
- Ысык-Көл облусу – 413.8 млн сомго 74 техника
- Ош облусу – 294 млн сомго 102 техника
- Жалал-Абад облусу – 248.5 млн сомго 105 техника
- Талас облусу – 110 млн сомго 52 техника
- Нарын облусу – 100.9 млн сомго 40 техника
- Баткен облусу – 23.1 млн сомго 9 техника берилген.
