Өзбекстандан контрабандалык жол менен келген 100 миң сомдук дарбыз кармалды - унаа конфискацияланды

Баткен райондук сотунун чечими менен Өзбекстандын «Чоң-Гара» анклавынан КР ЕАЭБ аймагына чыгууда кармалган Mercedes-Benz үлгүсүндөгү унаа мамлекеттин кирешесине конфискацияланды. Бул тууралуу Бажы кызматы билдирди.

Берилген маалыматка ылайык, «Оперативдүү» бажысынын кызматкерлери УКМКнын кызматкерлери менен биргеликте КР жараны «К.О.Н» башкаруусундагы Mercedes-Benz үлгүсүндөгү унааны кармашкан.

“Автоунаанын жүк бөлүгүн текшерүү учурунда жалпы салмагы 5 миң кг, баасы 100 миң сомду түзгөн дарбыздар табылган. Жаран «К.О.Н» Өзбекстандан КРдагы ЕАЭБдин аймагына бажы көзөмөлүнөн тышкары мыйзамсыз түрдө ташып келүүгө аракет кылган”, – деп айтылат маалыматта.

Аталган унаа кармалып, жагдайлар такталганга чейин Баткен шаарындагы убактылуу сактоочу кампанын аймагына жеткирилген. «К.О.Н» аттуу жаранга карата 60 миң сом айып салынган. Товарлар 116 865 сом өлчөмүндө эки эселенген бажы төлөмдөрүн алуу менен бажылык тариздөөдөн өткөн.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Токтогул шаары 5,3 млн сомго таштанды ташуучу унаа сатып алды

20-ноябрда Бишкектин кээ бир аймактарында суу берилбейт

Кыргызстан менен Казакстан салык тармагындагы кызматташтыкты талкуулады

Улуттук банк 1 коммерциялык банкка 5 миң 354 сом айып пул салды

Кыргыз-өзбек чек арасында бажы-логистикалык терминал ачылды