«Санариптик көчмөн» статусун кантип алууга болот жана ал кандай артыкчылыктарды берет?

Министрлер кабинети «Чет элдик жарандарга жана жарандыгы жок адамдарга «Санариптик көчмөн»  (Digital nomad) статусун ыйгаруу жөнүндө» убактылуу жобону кабыл алган. Ага ылайык, Экономика жана коммерция министрлиги ал статусту алуу тууралуу кенен жол-жобосун иштеп чыкты.

Анда Кыргызстанга көчүп келүүчү адистер үчүн эң ыңгайлуу режим каралган. Бул статус бир катар мамлекеттердин жарандарына Кыргызстандын аймагында жүргөн жери боюнча каттоосуз жана ишке орношууга уруксаты жок жүрүүгө мүмкүндүк берет, ошондой эле мамлекеттик органдар менен өз ара аракеттенүүнү жеңилдетмекчи.

“Колдонмо потенциалдуу көчүп келүүчүлөрдү кызыктырган негизги суроолорго толук жоопторду камтыйт. «Санариптик көчмөн» (Digital nomad) статусунун ээси КРнын аймагында жашаган жери боюнча каттоодон өтүү милдетинен, иштөөгө уруксат алуу зарылчылыгынан бошотулат, автоматтык түрдө жеке идентификациялык номерди жана башка көптөгөн нерселерди алат. Колдонмодо бул статустун артыкчылыктарынын баары кеңири талкууланат”, – дейт министрлик.

«Санариптик көчмөн» статусун алуу тууралуу толук маалыматты аталган министрликтин расмий сайтынан алууга болот.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Токтогул шаары 5,3 млн сомго таштанды ташуучу унаа сатып алды

20-ноябрда Бишкектин кээ бир аймактарында суу берилбейт

Кыргызстан менен Казакстан салык тармагындагы кызматташтыкты талкуулады

Улуттук банк 1 коммерциялык банкка 5 миң 354 сом айып пул салды

Кыргыз-өзбек чек арасында бажы-логистикалык терминал ачылды