9-сентябрда Бишкекте кыргыз-япон IT-форуму өтөт

9-сетябрда «КРнын Жогорку технологиялар паркы Жаңы Жибек Жолундагы виртуалдык порт катары» деп аталган Кыргызстан менен Япониянын өкүлдөрүнүн катышуусунда экинчи эл аралык IT-форум өтөт. Бул тууралуу Жогорку технологиялар паркы билдирди.

Белгилей кетсек, биринчи форум ушул жайдын башында Токиодо өткөн болчу.

“Форумда Япониянын Өнөр жай технологияларынын Өркүндөтүлгөн (Жогорку) институтунун эң мыкты адистери (университет долбоордук окутуу ыкмасына негизделген билим берүү программаларын сунуш кылат) санариптик трансформация доорундагы жаңы мүмкүнчүлүктөр тууралуу айтып беришет”, – деп айтылат ЖТПнын маалыматында.

Бишкекте өтүүчү иш-чарага бир катар чет мамлекеттердин академиялык чөйрөсүндө жакшы таанылган AIIT профессору Мицухиро Маэданын келиши күтүлүүдө. Маэда кадрларды даярдоонун жана өнүктүрүүнүн жаңы системасын түзүүнүн япон методологиясы менен бөлүшөт.

“Ал эми дагы бир спикер Ширай Такако Кыргызстан менен Япониянын биргелешкен долбоорлорунун жыйынтыктары тууралуу айтып берет. Ал эми Томоки Кобояши менен Мари Аоба киберкоопсуздук тобокелдиктерин башкаруу жана трафикти пландаштыруунун мультимодалдык тиркемесин колдонуу боюнча өз сунуштары менен бөлүшөт. Акыркы эки спикер Кыргызстанда ишканаларды ачууну каалап, өнөктөш издеп жатышат”, – деп айтылат маалыматта.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Токтогул шаары 5,3 млн сомго таштанды ташуучу унаа сатып алды

20-ноябрда Бишкектин кээ бир аймактарында суу берилбейт

Кыргызстан менен Казакстан салык тармагындагы кызматташтыкты талкуулады

Улуттук банк 1 коммерциялык банкка 5 миң 354 сом айып пул салды

Кыргыз-өзбек чек арасында бажы-логистикалык терминал ачылды