Чүй облусунда 150 млн долларга цемент завод курулат

Кечээ, 6-сентябрда министрлер кабинети менен «Терек-Таш» ЖЧКсы жана «ЗЕНИТ Фирма» ЖЧК компанияларынын консорциуму ортосунда цемент заводун куруу боюнча инвестициялык макулдашууга кол коюлду. Бул тууралуу Экономика министрлиги кабарлады. 

Бул инвестициялык макулдашууга Экономика жана коммерция министри Данияр Амангелдиев, экинчи тараптан «Терек-Таш» ЖЧКсы жана «ЗЕНИТ Фирма» ЖЧКсынын консорциуму – Башкы директору Акыл Түгөлбаев кол коюшту.

Аталган макулдашууга ылайык, инвестор Чүй облусунда жылына 1.5 млн тонна өндүрүштүк кубаттуулуктагы клинкер өндүрүүчү жана цемент майдалоочу заводду долбоорлоону жана курууну ишке ашырат.

Тагыраак айтканда, инвестордун ишинин объекти болуп Чүй облусунун Кемин районундагы Кара-Булак айыл аймагынын Жылтырында клинкер өндүрүүчү жана Ысык-Ата районунун  Ново-Покровский айыл аймагынын жеринде цементти майдалоочу ишканаларды куруу болуп саналат.

Инвестициялардын жалпы суммасы 150 млн АКШ долларын түзөт.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Токтогул шаары 5,3 млн сомго таштанды ташуучу унаа сатып алды

20-ноябрда Бишкектин кээ бир аймактарында суу берилбейт

Кыргызстан менен Казакстан салык тармагындагы кызматташтыкты талкуулады

Улуттук банк 1 коммерциялык банкка 5 миң 354 сом айып пул салды

Кыргыз-өзбек чек арасында бажы-логистикалык терминал ачылды