Дүйнөлүк банктын өкүлдөрү Ысык-Көл облусунун жетекчилери менен өнөктөштүк боюнча бир катар маселелерди талкуулады
Кечээ, 6-сентябрда Каракол шаарында Дүйнөлүк банктын Кыргызстандагы кеңсесинин жетекчиси Навид Хасан Накви президенттин Ысык-Көл облусундагы ыйгарым укуктуу өкүлдөрү жана облустагы шаарлардын мэрлери жана райондордун акимдери менен жолугушуу өткөрдү. Бул тууралуу облустагы өкүлчүлүктөн билдиришти.
Анда Дүйнөлүк банктын КР менен болгон жаңы Өнөктөштүк программасын даярдоонун (2024-2028) алкагында төмөнкү маселелер талкууланган:
- Калктын жашоо деңгээли боюнча учурдагы абал жана аларды чечүүдөгү тоскоолдуктар
- Калкка мамлекеттик кызмат көрсөтүүнү жакшыртуу
- Жакырчылыкты азайтуу жана калктын жашоо деңгээлин жогорулатууга салым кошуучу артыкчылыктуу багыттар
- Жакырчылыкты азайтууда Дүйнөлүк банктын таасири
- Социалдык-экономикалык маселелерди чечүүдө аялдардын катышуусу, алардын мүмкүнчүлүгүн кеңейтүү.
“Жыйынтыгында Дүйнөлүк банктын 2024-2028-жылдарга карата программасын түзүүдө жериндеги көйгөйлөрдү чечүү боюнча айтылган сунуштар, пикирлер эске алына турган болду”, – деп айтылат билдирүүдө.
Кошумча окуңуз:
