Булут кол тамгасын эми БШКнын билим берүү борборлорунан алууга болот
Булут кол тамгасын эми БШКнын билим берүү борборлорунан алууга болот. Бул тууралуу Санариптик өнүктүрүү министрлиги билдирди.
Маалыматка таянсак, “Инфоком” менен БШКнын ортосунда 2022-жылдын сентябрынан тартып электрондук булут кол тамгасын (ЭБК) берүү боюнча ыйгарым укуктарды берүү жөнүндө келишим түзүлгөн.
“Кызматташтык “Жарандык жана санариптик билим берүү борборлору” долбоорунун алкагында ишке ашырылууда. “Инфоком” МИнин адистери БШКнын кызматкерлерин булутка негизделген электрондук кол тамга берүү боюнча окутушту”, – дейт министрлик.
Ыйгарым укуктарды берүү ЭБКны калкка берүү чөйрөсүн кеңейтүүгө мүмкүндүк бермекчи, анткени буга чейин аларды Калкты тейлөө борборлорунан гана алууга болчу.
Белгилей кетсек, булут кол тамга акысыз берилет.
Кошумча окуңуз:
Булуттук электрондук кол тамгасын алуу үчүн жеке жана юридикалык жактарга кандай документтер керек?
