2022-жылдагы «дем берүүчү гранттардын» эң чоң үлүшү Жалал-абад облусуна туура келет - 74.8 млн сом
2022-жылы ишке ашырууга 297 долбоор бекитилген. Бул тууралуу Финансы министрлигинин маалымат кызматы билдирди.
Жергиликтүү өз алдынча башкаруу органдарын каржылоого тапшырылган отчеттордун негизинде 2022-жылдын 8 айында республикалык бюджеттен “дем берүүчү гранттар” беренеси боюнча 328.9 млн сом суммасындагы 218 долбоор каржыланган.
Финансы министрлигинин берген маалыматына ылайык, берилген гранттардын эң чоң үлүшү Жалал-Абад облусуна (74.8 млн сом), андан соң, Ош облусуна (66.3 млн сом) туура келген.
- Дем берүүчү (үлүштүк) гранттар – бул аймактарды социалдык-экономикалык өнүктүрүү программаларын ишке ашыруу үчүн жергиликтүү бюджеттердин жана башка тартылган каражаттардын үлүштүк катышуусу менен долбоордук-конкурстук негизде жергиликтүү өз алдынча башкаруунун аткаруу органдарына республикалык бюджеттен берилүүчү каражаттар.
