АКШнын КРдагы элчилиги виза алуу убактысын кыскартат жана интервьюларга катталууга жаңы орундарды ачат
АКШнын КРдагы элчилигинин маалымат кызматы 12-сентябрдан тартып, ноябрга жана кийинки айларга визалык интервьюларга катталууга жаңы орундарды ачарын билдирди.
Маалыматка таянсак, АКШ элчилиги виза алуу убактысын кыскартат.
“АКШ менен КР элдеринин ортосундагы карым-катнашты чыңдоо үчүн бардык күч-аракетибизди жумшайбыз. Ошол эле учурда биз ачык болуп, Кыргызстандын бардык жарандарына виза алуу мүмкүнчүлүгүн камсыздоого аракет кылып жатабыз.
Ошондуктан 12-сентябрда ноябрга жана кийинки айларга визалык интервьюларга катталууга жаңы орундарды ачабыз”, – деп айтылат элчиликтин билдирүүсүндө.
