Бишкек мэриясы АӨБ менен биргеликте 120 электробус алып келүү боюнча тендердин жеңүүчүсүн аныктоодо

Бишкек шаарынын мэриясы жана Азия өнүктүрүү банкы (АӨБ) 120 электробус алып келүү боюнча жеңүүчүнү аныктоо үчүн сунуштарды финалдык баалоодон өткөрүүдө. Бул тууралуу Economist.kg басылмасына муниципалитеттен билдиришти.

Мэриядан белгилешкендей, сынакка катышууга түшкөн алгачкы сунуштар ушул жылдын январь айынын аягында карала баштаган. Анда 5 компания сынакка катышууга кызыктарлыгын билдирген. Финансылык мекеменин отчетунан кийин үч компания кийинки баскычка өткөн.

Ал эми акыркы сунуш 8-августта каралган. Учурда АӨБдүн сатып алуу боюнча шарттарына ылайык, аталган банктын консультанттары менен биргеликте катышуучулардын финансылык сунуштарын баалоо боюнча иш жүргүзүлүүдө. Бул иштин жыйынтыгында жеңүүчү аныкталып, аны менен электр автобустарын жана заряддоо инфраструктурасын алып келүү боюнча келишим түзүлөт.

Кошумчалай кетсек, электр автобустарынан тышкары элүү 120 МВт заряддагыч жана отуз беш 300 МВттык монтаждоочу кубаттагыч, ошондой эле эвакуатор сатып алуу пландалууда.

Долбоор боюнча

Долбоор Азия өнүктүрүү банкы (АӨБ) тарабынан каржыланат, жалпы суммасы 50.65 млн доллар, анын ичинен гранттын жалпы үлүшү – 25.65 млн доллар, ал эми жеңилдетилген кредит – 25 млн доллар турат.

Economist.kg мурда маалымдагандай, долбоордун кредиттик бөлүгү төмөнкү шартта берилет: 32 жылга, анын ичинен 24 жылы кредиттик мөөнөт болуп эсептелинет, жеңилдетилген мезгил – 8 жыл. Жалпысынан бул жеңилдетилген кредит категориясына кирет. Пайыздык чени жеңилдетилген 8 жылга 1%дык өлчөм менен, ал эми мөөнөтү аяктагандан кийин 1.5% менен төлөнөт.

Долбоор ошондой эле эки троллейбус автобазасынын инфраструктурасын модернизациялоону жана автобустардын ылдамдыгын жогорулатуу жана Бишкектин борборундагы коомдук транспорттун кызмат көрсөтүүлөрүнүн ишенимдүүлүгүн жогорулатуу үчүн 3.5 чакырымдык жашыл мобилдүүлүктүн пилоттук коридорун түзөт.

КР 1994-жылы АӨБдүн программаларына киргенден бери банк 1.3 млрд доллардан ашык өлчөмүндө насыя, 811 млн доллар өлчөмүндө грант жана 69 млн доллар өлчөмүндө техникалык жардам берген.

Кошумча окуңуз:

АӨБ берген каражатка жакында Бишкекке 120 автобус алынат – мэрия

Электробустардын жол киреси 11 сомдон болот – арзан болбойт

Бишкекке 120 автобус алынат – АӨБ 50 млн доллардан ашык каражат берет