Кыргызстан Индия менен 200 млн доллар насыя алуу маселесин кайрадан талкуулады

Назира Абдиева

13 сент. 2022 16:02

Кыргызстан Индиядан 200 млн доллар өлчөмүндө кредит алуу тууралуу маселени кайрадан алар менен талкууга алды. Бул тууралуу КРнын Экономика министрлигинин маалыматында айтылат.

Министрликтен билдиришкендей, кечээ, 12-сентябрда КР Экономика жана коммерция министринин орун басары Канат Абдрахманов Индиянын КРдагы Атайын жана Ыйгарым укуктуу элчиси Арун Кумар Чаттерджи менен жолугушуп, жаңы элчини миссиясынын башталышы менен куттуктады.

Жолугушуунун жүрүшүндө министрлер кабинети менен Индия өкмөтүнүн ортосундагы өз ара түшүнүшүү жөнүндө меморандумду ишке ашыруунун алкагында, тез кайтарым берүүчү долбоорлорду ишке ашырууга гранттык жардам көрсөтүү жана Индия өкмөтү тарабынан 200 млн доллар өлчөмүндө кредиттик линия бөлүү тууралуу пикир алмашуу болду.

Өзгөчө көңүл инвестиция, медицина жана билим берүү тармагындагы өз ара кызматташууга, соода-экономикалык багыттагы маселелерге, ошондой эле КРда социалдык өнүгүүгө багытталган гранттык жардам долбоорлорун ишке ашырууга бурулду.

Ошондой эле тараптар 2022-жылдын ноябрь айына пландалган соода-экономикалык жана илимий-техникалык кызматташтык боюнча Кыргыз-индия өкмөттөр аралык комиссиясынын 10-отурумун онлайн режиминде өткөрүү маселесин талкуулашты.

Эске салсак, эки өлкө жеңилдетилген насыяны 2019-жылы Индиянын премьер-министри Нарендра Модинин Кыргызстанга болгон иш сапарынын алкагында берүүгө макулдашышкан. Бул маселе боюнча диалог өткөн жылдын октябрь айында да болгон.

Мындан тышкары окуңуз

Кыргызстан менен Швейцария каржылык өнөктөштүктү чыңдоону көздөйт

Каржы министри Руслан Суйналиев Швейцариянын Экономика маселелери боюнча мамлекеттик катчылыгынын Экономикалык кызматташтык жана өнүгүү бөлүмүнүн жетекчиси, өкмөттүн соода келишимдери боюнча өкүлү Пьетро Лаццери менен жолугушту. Министрликтен билдиришкендей, тараптар Кыргызстан менен Швейцариянын ортосундагы финансылык-экономикалык кызматташуунун учурдагы абалын жана келечектеги багыттарын талкуулашты. Өзгөчө көңүл чакан экономиканы колдоо, мамлекеттик башкарууну өнүктүрүү жана

Коомдук талкуу: Баткен окуяларын "Баткен согушу" деп таануу демилгеленди

Кыргызстанда 1999–2000-жылдардагы Баткен окуяларын расмий түрдө "Баткен согушу" деп таанууну сунуштаган мыйзам долбоору коомдук талкууга коюлду. Мыйзам долбоорунун демилгечиси — эл өкүлү Болот Сагынаев. Ал "Согуштун ардагерлери, Куралдуу Күчтөрдүн ардагерлери жана ооруктагы эмгекчилер жөнүндө" мыйзамга Баткен согушунун ардагерлерин киргизүүнү сунуштоодо. Долбоорго ылайык, бул макам 1999–

Министр Балыкчы–Жалал-Абад жолунун курулуш иштерин көзөмөлдөдү

Транспорт жана коммуникациялар министри Талантбек Солтобаев Балыкчы–Жалал-Абад унаа жолунда жүрүп жаткан курулуш иштеринин көзөмөлдөдү. Бул тууралуу министрликтин басма сөз кызматы билдирди. Иш сапарынын алкагында министр кооптуу тилкелерде курулуп жаткан тирөөч дубалдардын, селден жана тоо көчкүлөрүнөн коргоочу галереялардын, ошондой эле үч жерде салынып жаткан жол тейлөө пункттарынын курулушунун жүрүшүн

Кыргызстанда 246 миңден ашык чарба жүргүзүүчү субъектти аялдар жетектейт

Экономика жана коммерция министринин орун басары Беназир Нурланова Шанхай кызматташтык уюмуна мүчө өлкөлөрдүн Аялдар форумунда өлкө экономикасындагы чакан жана орто бизнестин ордун белгиледи. Анын айтымында, бүгүнкү күндө чакан жана орто бизнес Кыргызстандын ички дүң жыйымынын 51,7%ын түзөт. Ошондой эле 823 миңден ашык чарба жүргүзүүчү субъекттин 246 миңден ашыгын