Сауд Арабиялык Flynas авиакомпаниясы Кыргызстанга үзгүлтүксүз аба каттамын ачуу мүмкүнчүлүгүн карайт
Сауд Арабиянын авиа компанияларынын бири Flynas – Кыргызстанга үзгүлтүксүз авиа каттам ачуу мүмкүнчүлүгүн карап чыгат. Бул тууралуу КРнын Сауд Арабиядагы элчиси Улукбек Марипов билдирди.
Анын айтымында, аталган компания жакынкы күндөрдө КРнын рыногун көрүп чыгуу үчүн атайын делегация жиберет. Бул тууралуу Марипов Flynas ишканасынын директорунун орун басары Аль-Моханна менен жолугушуу учурунда макулдашкан.
“Жыл өткөн сайын Кыргызстанга Сауд Арабиясынан жана Булуңдагы өлкөлөрдөн келген коноктордун саны арбып баратат. Алардын саны көбөйгөн сайын үзгүлтүксүз авиа каттам ачуу муктаждыгы да жогорулайт. Ал эми авиа каттамдын ачылуусу туристтердин көбөйүшүнө, экономикалык кызматташтыкты өнүктүрүүгө жана эки өлкөнүн ортосундагы соода-сатык алаканын өсүшүнө өбөлгө түзүп берет.
Белгилей кете турган болсом, Сауд Арабиясында потенциалдуу инвесторлор абдан көп жана биз аларды өлкөбүзгө тартуу ишин дагы да уланта беребиз”, – дейт Марипов.
Flynas – Сауд Арабиядагы башкаларга салыштырмалуу арзан авиакомпания. Анын кеңсеси Король Халид эл аралык аэропортунда жайгашкан. Flynas беш жыл катары менен World Travel Awards жана үч жыл катары менен Skytrax тарабынан Жакынкы Чыгыштын алдыңкы арзан авиакомпаниясы аталган.
Кошумча окуңуз:
Сауд Арабиянын Инвестиция министрлигинен жумушчу топ Кыргызстанга иш сапары менен келет
Сауд Арабия Камбар-Ата-1 ГЭСин кошо курууга даяр
Сауд өнүктүрүү фондунун жеңилдетилген насыясына Бишкекте балдар үчүн тез жардам ооруканасы курулат
Сауд өнүктүрүү фонду КРда мындан ары да социалдык долбоорлорду ишке ашыруу ниетин билдирди
Сауд өнүктүрүү фонду Кыргызстандын 87 миң долларлык карызын төлөөнү 2027-жылга чейин узартат
Сауд өнүктүрүү фондунун акчасына Кыргызстанда төрт мектептин курулушу аяктады
