«МЭА» ААК: «Баткен» аэропорту аткылоого дуушар болгон жок
«Баткен» аэропорту аткылоого дуушар болгон жок. Бул тууралуу «МЭА» ААК билдирди.
«Баткен» аэропорту аткылоого дуушар болду деген маалымат чындыкка дал келбейт. Эске салсак, «Баткен» аэропорту аэродромунун элементтерин оңдоо жана калыбына келтирүү иштерине байланыштуу жабылган”, – деп айтылат билдирүүдө.
Кошумчалай кетсек, Кыргызстандын УКМКсынын Чек ара кызматы Тажикстандын “Ляккан” жана “Богдари” чек ара заставаларына сокку урулуп, ири көлөмдөгү оор техникасы жок кылынганын кабарлады.
Маалыматта тажик тарап чек арада жайгашкан айылдарынан ок чыгарып жатканы, муну менен Кыргызстандын чек арачыларын жооп кайтарууга аргасыз кылып жатканы айтылат. УКМКнын Чек ара кызматынын өздүк курамы айыгышкан кармашты улантып жатат. Кырдаалдын өзгөрүшүнө жараша жооп кылган маневрларды колдонуп, каршылаш тараптын аткылоосун токтотууга аргасыз кылуу үчүн заманбап техникаларды колдонууда.
