Баткендеги куралдуу кагылышууда шейит болгондордун саны - 46, жараат алгандардын саны 140ка жетти

КРнын Саламаттык сактоо министрлиги кечээ, 18-сентябрь саат 17:00гө карата (оперативдүү маалымат) шейит болгондордун саны 46га жеткенин, саламаттык сактоо уюмдарына жаткырылган жабырлануучулардын жалпы саны 140 жабырлануучуну түзөрүн, анын ичинен 7 жабырлануучу амбулатордук дарылоого жөнөтүлгөнүн маалымдады.

Жабырлануучулардын көпчүлүк бөлүгү Бишкек жана Ош шаарынын саламаттык сактоо уюмдарына которулду (102 жабырлануучу).

  • Улуттук госпитал – 71 жабырлануучу
  • Улуттук хирургиялык борбор – 8 жабырлануучу
  • Эне жана баланы коргоо улуттук борбору – 8 жабырлануучу
  • Тез медициналык жардам ооруканасы – 9 жабырлануучу
  • Ош облустук бириккен ооруканасы – 4 жабырлануучу
  • Ош облустар аралык клиникалык балдар ооруканасы – 2 жабырлануучу.

“Калган жабырлануучулар Баткен облусунун саламаттыкты сактоо уюмдарында стационардык дарыланууда. Бардык жабырлануучуларга керектүү медициналык жардам көрсөтүлүп, кандын компоненттери, дары-дармектер жана медициналык буюмдар жетиштүү санда бар”, – дейт министрлик.

Баткен облусунан алынган ыкчам маалыматтар боюнча, дагы 10 каза болгон адамдын сөөгү Баткен шаарынын саламаттыкты сактоо уюмдарына келип түшкөн. Баткен облусунда куралдуу кагылыштан каза болгондордун жалпы саны 46 адамды түзөт.

Economist.kg редакциясы каза болгон жарандардын жакындарына терең кайгыруу менен көңүл айтат.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Токтогул шаары 5,3 млн сомго таштанды ташуучу унаа сатып алды

20-ноябрда Бишкектин кээ бир аймактарында суу берилбейт

Кыргызстан менен Казакстан салык тармагындагы кызматташтыкты талкуулады

Улуттук банк 1 коммерциялык банкка 5 миң 354 сом айып пул салды

Кыргыз-өзбек чек арасында бажы-логистикалык терминал ачылды