Көк-Таш - Аксай - Тамдык автожолундагы жардырылган көпүрө убактылуу калыбына келтирилди - жүргүнчүлөргө ачык
Кыргыз-тажик чек арасындагы кагылышууда жардырылган Көк-Таш – Аксай – Тамдык автожолунун 7 чакырымындагы Дача-Чайхана участогундагы 36 метрлик көпүрө жүргүнчүлөргө ачылды. Бул тууралуу Медиа Штаб кабарлады.
Бузулган көпүрөнү калыбына келтирүү үчүн 7 атайын техника тартылды.
Бүгүнкү күнү жүк ташуучу унаалар жана жеңил автоунаалар өтө алышат.
Эскерте кетсек, Ак-суу дарыясынан өтүүнү камсыздаган 36 метрлик көпүрө тажик аскерлери тарабынан жардырылган болчу. Ал жардыруунун видеосу социалдык түйүндөрдө да таралган.
Баткен облусунда жолдорду оңдоо жана калыбына келтирүү иштери маселелерин КРнын Транспорт жана коммуникациялар министрлиги карайт.
Ошондой эле Үч-Коргон (Кадамжай р-ну, Баткен) – Дароот-Коргон (Чоң Алай, Ош) унаа жолунун 76 км – 80 км аралыгында оңдоо-калыбына келтирүү иштери аткарылууда. Ага 2 бульдозер, 2 погрузчик (жүктөгүч), 3 экскаватор, 2 унаа грейдер, 4 самосвал (жүк тушүргүч) техникалары тартылды.
