«Манас» бажысы Дубайдан мыйзамсыз келе жаткан 15 даана Iphone 14 PRO маркасындагы телефондорду алып койду
«Манас» бажысы Iphone 14 PRO маркасындагы уюлдук телефондорду мыйзамсыз алып келүүгө бөгөт койду. Бул тууралуу Бажы кызматынын маалымат кызматы билдирди.
Евразия экономикалык бирлигинин жана КРнын бажы мыйзамдарын бузууларды аныктоого жана бөгөт коюуга багытталган иш-чараларды жүргүзүүдө «Манас» бажысынын кызматкерлери 17-сентябрда саат 04:50 чамасында бажы контролун жүргүзүү учурунда Дубай – Бишкек каттамы боюнча жүргүнчүлөрдүн арасында Россия Федерациясынын М.Г.О. аттуу жараны Iphone 14 PRO маркасындагы 15 уюлдук телефонду мыйзамсыз алып кирүүгө аракет кылган.
“Кармалган телефондордун болжолдуу баасы 2.1 млн сомду түзгөн. Материалдар КБР АДС МКЖга катталып, КРнын мыйзамдарына ылайык тиешелүү органга өткөрүлүп берилди”, – деп айтылат маалыматта.
