2022-жылга карата ЕАЭБ өлкөлөрү 21.2 млрд долларлык биргелешкен долбоорлорду ишке ашырышты

Евразиялык экономикалык комиссиянын кеңешинин акыркы жыйынында 60 маселе каралды. 26-сентябрдагы жыйындын жыйынтыгын КР Экономика министринин орун басары Вероника Исаева билдирди.

Анын айтымында, талкууланган маселелердин ичинде 2021-жылдагы ЕАЭБ өлкөлөрүнүн ортосундагы өз ара сооданын абалы каралган. Ошондой эле ЕАЭБге мүчө мамлекеттер ишке ашырып жаткан импортту алмаштыруу боюнча биргелешкен долбоорлорду ишке ашыруу маселелери талкууланган.

Мындан тышкары, жолугушуунун катышуучулары ЕАЭБдеги учурдагы кырдаалга токтолушту. Алсак, 2022-жылга автомобиль куруу, станок куруу, электр, химия, металлургия, медициналык жана целлюлоза-кагаз өнөр жайы, транспорттук жана жүк көтөрүүчү жабдууларды өндүрүү, жол куруу, атайын жана коммуналдык жабдуулар, транспорт курулушу сыяктуу жалпысынан 21.2 млрд долларга 25 долбоор ишке ашкан.

ЕАЭБтин индустриялаштыруу картасын түзүү жана Биримдиктин веб-сайтында алгачкы жайгаштыруу учурунда ага жалпы суммасы 300 млрд доллардан ашык 24 тармактагы 182 ири жана олуттуу инвестициялык долбоорлор киргизилген. Алардын ичинен:

  • 156 өнөр жай долбоору, анын ичинде импортту алмаштыруучу 142 долбоор, анын ичинде 6 биргелешкен долбоор
  • 19 инфраструктуралык долбоор
  • Энергетика тармагында 7 долбоор.
Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Токтогул шаары 5,3 млн сомго таштанды ташуучу унаа сатып алды

20-ноябрда Бишкектин кээ бир аймактарында суу берилбейт

Кыргызстан менен Казакстан салык тармагындагы кызматташтыкты талкуулады

Улуттук банк 1 коммерциялык банкка 5 миң 354 сом айып пул салды

Кыргыз-өзбек чек арасында бажы-логистикалык терминал ачылды