Голландиялык банк «Бай-Түшүмгө» чакан жана орто бизнести өнүктүрүү үчүн 10 млн доллар насыя берет

«Бай-Түшүм» банкы Голландиянын Өнүктүрүү жана Ишкердик Банкы (FMO) менен чакан жана орто бизнести (ЧОИ) өнүктүрүү үчүн 10 млн долларлык кредитке келишим түздү. Бул тууралуу банктын басма сөз кызматы билдирди.

Маалым болгондой, FMO үстүбүздөгү жылдын июль айында «Бай-Түшүм» менен 4 жылдык мөөнөткө 10 млн долларлык кредиттик келишимге кол коюшкан. Каражат чакан жана орто бизнести каржылоого жумшалат.

Бул каржылоонун алкагында «Бай-Түшүм» ишкерлерди жана жеке секторду насыялоону көбөйтүүнү максат кылууда. 35 жашка чейинки жаш ишкерлер жана ишкер аялдар аталган каржылоонун маанилүү сегменти болушмакчы.


Маалымдама:

FMO – дымактуу ишкердик долбоорлорго инвестициялоо аркылуу өнүгүп келе жаткан өлкөлөрдө жеке сектордун туруктуу өсүшүн колдогон алдыңкы инвестор болуп саналат. 12.1 млрд евролук портфели бар, жеке секторду өнүктүрүп келе жаткан банк дүйнөнүн 84 өлкөсүндө иш алып барат.

FMO экономикалык жана социалдык өнүгүүгө чоң таасирин тийгизген каржы институттары, энергетика жана агробизнес, тамак-аш жана суу секторлоруна басым жасап келет.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Токтогул шаары 5,3 млн сомго таштанды ташуучу унаа сатып алды

20-ноябрда Бишкектин кээ бир аймактарында суу берилбейт

Кыргызстан менен Казакстан салык тармагындагы кызматташтыкты талкуулады

Улуттук банк 1 коммерциялык банкка 5 миң 354 сом айып пул салды

Кыргыз-өзбек чек арасында бажы-логистикалык терминал ачылды