Бөлтүрүк, Бекмурзаев, Бейшеналиев - Акылбек Жапаров алып келген министрлердин баары чекеден эле кармалып жатат - депутат
Бүгүн, 29-сентябрда Жогорку Кеңештин жыйынында депутат Айбек Осмонов минкабдын төрагасы Акылбек Жапаров алып келген министрлердин баары эле коррупцияга шектелип кармалып жатканын айтты.
Жыйында депутат бүгүн эле кармалган Билим берүү жана илим министри Алмазбек Бейшеналиев тууралуу сөз кылып, бул мугалимдерге, окуучу балдарга терс таасир этерин жана эгерде министрдин орду керек болсо жарыялабастан купуя эле кылса болмоктугун айтты.
“Акылбек Жапаров алып келген министрлердин баары чекеден эле кармалып жатат. Америкадан алып келген Тенгиз Бөлтүрүк, Энергетика министри Доскул Бекмурзав, эми Билим берүү министри Алмазбек Бейшеналиев да отурат”, – деди ал.
Эскерте кетсек, ИИМ министр Бейшеналиев өзгөчө ири өлчөмдө пара алып жаткан жеринен кармалган видеосун жарыялаган болчу.
