Бизге үйдүн деле кереги жок, чек ара маселесин чечип бергиле - баткендиктер Акылбек Жапаровго жооп беришти
Министрлер кабинетинин төрагасы Акылбек Жапаров Баткен облусуна болгон иш сапарынын алкагында, чек арадагы айылдардын жашоочулары менен жолугушту.
Социалдык түйүндөрдө баткендик тургундар Акылбек Жапаровго жооп кайтарган видео тарады. Анда тургундардын бири алар өмүр менен өлүмдүн ортосунда турганын айтты.
“Бизге үйдүн деле кереги жок, чек араны чечип бергиле, “болду, кепилдик беребиз, жашай бергиле” дегиле же президент, депутаттар баш болуп чек арадагы үйлөргө келип жашагыла”, – деди ал.
