Бөтөлкөдө суу чыгарган өндүрүүчүлөргө БАЭге экспорттоо мүмкүнчүлүктөрү айтылды

Ата мекендик бөтөлкөдөгү суу чыгарган өндүрүүчүлөргө кечээ, 5-октябрда товарларын Перс булуңундагы өлкөлөргө экспорттоо боюнча семинар болуп өттү. Бул тууралуу Инвестиция агенттигинин басма сөз кызматы билдирди.

Семинарга «Ак-Бата» ЖЧК, «Чес продакшн компаниясы», «КОРТЕС» ЖЧК, «Биоточка» ЖЧК, «Абдыш-Ата» компаниясы, «Сибирь Трейд» ЖЧК, «Келечек» ЖАК, «Эко Life Asia» коомдук фонду сыяктуу ири чарбалык суу өндүрүүчүлөр катышышты.

Аталган агенттик иш-чараны Европа реконструкциялоо жана өнүктүрүү банкынын (ЕРӨБ) колдоосу менен өткөрдү.

Компанияларга БАЭде, тамак-аш өнөр жай тармагында бизнесин кеңейтүү мүмкүнчүлүктөрү, ошондой эле ичүүчү сууну бөлүштүрүү жана жеткирүү каналдары тууралуу толук маалымат берилди. Уюштуруучулар БАЭге ичүүчү сууну импорттоонун процедуралык процесстери боюнча суроолорго жооп берип, компанияны каттоонун укуктук нормаларын жана эрежелерин түшүндүрүштү. Ошондой эле БАЭ жана Сауд Аравия Королдугуна ичүүчү сууну импорттоо боюнча укуктук нормалардын жана эрежелердин айырмасы айтылды.


Эскерте кетсек, мурдараак «Шоро» Компаниясы БАЭде бөтөлкөдөгү ичүүчү суунун сапаты боюнча сертификатын алганын жана аталган мамлекеттин дүкөндөрүндө сатуу укугуна ээ болгонун кабарлаган эле.

Кошумча окуңуз:

по темеМинкаб суусундуктарды чыгарган ата мекендик компаниялар пайдаланган суудан 2% салык алууну көздөөдө

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Токтогул шаары 5,3 млн сомго таштанды ташуучу унаа сатып алды

20-ноябрда Бишкектин кээ бир аймактарында суу берилбейт

Кыргызстан менен Казакстан салык тармагындагы кызматташтыкты талкуулады

Улуттук банк 1 коммерциялык банкка 5 миң 354 сом айып пул салды

Кыргыз-өзбек чек арасында бажы-логистикалык терминал ачылды