Баткендеги үйсүз калган жарандар үйлөр салынгыча боз үй, чатырларда жашап турушат - Бакыт Төрөбаев

Министрлер кабинетинин төрагасынын орун басары Бакыт Төрөбаев кечээ, 6-октябрдагы Жогорку Кеңештин жыйынында Баткендеги үйсүз калган жарандар, үйлөрү салынгыча боз үй, чатырларда жашап турушарын айтты.

Жыйында депутат Миргүл Темирбаева Баткен облусунда курула турган үйлөрдү курууга тендерди кайсы компания утту деген суроосун салды. Төрөбаев кайсы компания утканынан кабары жок экенин билдирди.

“Кайсы компания утканын билбейт экенмин, бирок генералдык подрядчик утту, Баткен облусунда иштеп жаткан, тажрыйбасы бар, финансы жактан дурус компанияларга берип жатат. Биз тез арада башташыбыз керек, азыр ӨКМ тарабынан күйгөн турак-жайлар тазаланды, анча-мынча айылдар калды, биз акча бөлдүк, курулуш материалдары келип жатат. Мамкурулуштун жетекчилери Баткенде жүрүшөт, бүт компанияларды Баткенге жөнөттүк. Ошол жактан тендер өткөрүп, келишим түзгүлө, 2-2.5 айдын ичинде бүтүрөсүңөр дедик”, – деди Төрөбаев.

Темирбаева алдыда кыш келе жатканын айтып, үйсүз калган жарандар кайда барып жашашат, кандайдыр бир камкордуктар барбы деп сурады.

“Азыр 10 миңге жетпеген жаран бар, аларга боз үй, чатыр жылыткычы менен ӨКМ жасап жатат”, – деди Төрөбаев.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Токтогул шаары 5,3 млн сомго таштанды ташуучу унаа сатып алды

20-ноябрда Бишкектин кээ бир аймактарында суу берилбейт

Кыргызстан менен Казакстан салык тармагындагы кызматташтыкты талкуулады

Улуттук банк 1 коммерциялык банкка 5 миң 354 сом айып пул салды

Кыргыз-өзбек чек арасында бажы-логистикалык терминал ачылды