Италиялык бизнесмендер Кыргызстандан кургатылган мөмө-жемиш, жаңгак жана бал импорттоого кызыкдар

Италиялык ишкерлер Кыргызстандын кургатылган жемиштерин, жаңгактарын жана балын импорттоого кызыкдар. Бул тууралуу Инвестиция агенттигинин маалымат кызматы билдирди.

Бүгүн, 7-октябрда кыргызстандык жана италиялык өндүрүшчүлөрдүн жолугушуусу болуп өттү. Италиялык делегация менен айыл чарба тармагынын, гидроэнергетика жана энергиянын кайра жаралуучу булактарынын ишканаларынын жетекчилери жолугушту.

Коноктор КРнын энергетика тармагынын потенциалын жана гидроэнергетика тармагындагы мүмкүн болгон инвестициялык долбоорлорду изилдөөгө кызыгууларын билдиришти. Мындан тышкары, италиялык делегация Кыргызстандын ишканаларына жана ишкерлерине эчкинин сүтүнөн эл аралык стандарттарга жооп берген сыр өндүрүү боюнча окутууга жардам берүүнү көздөшүүдө.

Мекеменин жетекчиси Умбриэль Темиралиев Кыргызстан республиканын аймагында өндүрүш түзүүгө кызыкдар экенин белгиледи.

«Биз инвесторлорго бардык керектүү жардамдарды көрсөтөбүз жана кызыккан тармактар ​​боюнча маалымат беребиз», – деп убада кылды.

Эскерте кетсек, Кыргызстанга Италиядан ишкерлер келишкен.
Алар 6-октябрда КРнын Соода-өнөр жай палатасында италиялык компаниялардын катышуусунда бизнес-форумга катышышты.

Форумдун алкагында КРнын Соода-өнөр жай палатасы менен Барбаджа районунун (Италия) ортосунда кызматташуу боюнча Меморандумга кол коюлду.

Италиялык делегациянын курамына айыл чарбасы, гидроэнергетика жана кайра жаралуучу энергия, жеңил өнөр жай ишканалары, ошондой эле мейманкана жана туризм сыяктуу түрдүү тармактардагы компаниялардын өкүлдөрү келишкен. Италиялык ишкерлердин миссияларынын бири – Кыргызстандан кургатылган мөмө-жемиштерди, бал азыктарын жана жаңгактарды экспорттоону уюштуруу, ошондой эле туризм тармагында кызматташуу болуп саналат.