Иран Кыргызстандын ишкерлери үчүн визасыз режим киргизүү маселесин карайт

Назира Абдиева

12 окт. 2022 23:05

Иран кыргызстандык ишкерлер үчүн 14 күнгө чейин визасыз режим киргизүүгө даяр. Бул тууралуу кечээ, 11-октябрда эки өлкөнүн Соода-өнөр жай палаталарындагы (СӨП) кыргыз-иран бизнес комитетинин биринчи отурумунун жыйынтыгында белгилүү болгонун КР СӨПтүн маалымат кызматы билдирди.

Иранга Кыргызстан менен инвестиция, айыл чарба, машина куруу, металлургия, тоо-кен өндүрүшү, инженердик-техникалык кызмат көрсөтүүлөр тармагында кызматташууга кызыкдар. Кыргыз тараптан комитеттин төрагасы Роман Касымов бизнес-туризмди да тизмеге киргизүүнү сунуштады.

Кошумчалай кетсек, санкцияларга байланыштуу Кыргызстан россиялык тараптын ордуна күйүүчү-майлоочу майларды (КММ) Ирандан алып келүүгө кызыкдар экенин билдирген. Тараптар ошондой эле ишеним чөйрөсүн түзүү үчүн эки өлкөнүн ишенимдүү өнөктөштөрүнүн реестрин жүргүзүүнү макулдашты.

Жыйындын жүрүшүндө комитет логистика менен катар банктагы акча которуулар маселесин чечүүнүн маанилүүлүгүн белгиледи. Кытай – Кыргызстан – Өзбекстан темир жолун Иранга карай узартуу боюнча пикирлер айтылды.

«Иран Кыргызстан үчүн Түштүк-Чыгыш Азиянын жана Араб өлкөлөрүнүн, ошондой эле Пакистан менен Ливиянын рынокторуна чыгуунун жалгыз варианты болуп саналат. Өз кезегинде Иран Кыргызстанды 150 миллиондон ашык калкы бар евразиялык рынокко терезе катары карайт. Мындан тышкары, Кыргызстан Иранга дүйнөлүк рынокко чыгууга жардам бере алмак”, – деди ирандык комитеттин төрагасынын орун басары Годс Нахри Ануширован Хашеми.

Мындан тышкары окуңуз

Баткендеги катуу шамалдын кесепети 16 млн сом чыгымга учуратты

27-июнда Баткен шаарында, ошондой эле Баткен жана Лейлек райондорунун аймагында катуу шамал болуп, шамалдын ылдамдыгы секундасына 27–28 метрге чейин жетти. Бул тууралуу президентинин Баткен облусундагы ыйгарым укуктуу өкүлүнүн басма сөз кызматы билдирди. Маалыматка ылайык, жаратылыш кырсыгынын кесепетинен айрым турак үйлөрдүн жана социалдык объектилердин чатырлары жабыркап, башка материалдык чыгымдар

Нарындагы мыйзамсыз курулган тосмолор буздурулууда

Нарын шаарынын Жаңы Жол чөлкөмүндө мыйзамсыз тосулуп алынган жер аянттарын кайтарып алуу максатында дубал тосмолор жана сарайлар бузулууда. Нарын шаардык мэриясынын маалымат кызматынын айтымына караганда, “Жерлерди өзүм билемдик менен мыйзамсыз ээлеп алуу фактыларын алдын алуу жана болтурбоо” жөнүндөгү президенттин 109 -Жарлыгынын алкагында мыйзамсыз курулуштарды аныктоо, бузуу боюнча жарандарга билдирүүлөр да

Кыргызстан менен Пакистан соода-экономикалык долбоорлорду ишке ашырат

Инвестициялар боюнча улуттук агенттиктин башчысы Равшанбек Сабиров Пакистандын Лахор шаарындагы Кыргызстандын ардактуу консулу менен жолугушту. Аталган мекеменин маалыматына ылайык, жолугушууда Кыргызстан менен Пакистандын ортосундагы инвестициялык жана соода-экономикалык кызматташуунун келечектүү багыттары талкууланды. Пакистан тарап Кыргызстандын инвестициялык мүмкүнчүлүктөрү, артыкчылыктуу тармактары жана инвесторлор үчүн каралган мамлекеттик колдоо чаралары менен таанышты. Равшанбек Сабир

“Кыргыз Петролеум Компаниясын” жаңылоого 409,9 млн доллар каралган

Министрлер Кабинетинин төрагасынын орун басары Эрлист Акунбеков Жалал-Абад облусуна болгон жумуш сапарынын алкагында Манас шаарында өлкөдөгү күйүүчү-майлоочу май маселелерине байланыштуу тиешелүү мамлекеттик органдардын жетекчилеринин жана мунай менен иш алып барган бир катар жеке компаниялардын жетекчилеринин катышуусунда жыйын өткөрдү. Президенттик админстрациянын маалыматтык саясат бөлүмүнүн маалыматына ылайык, отурумда негизинен “Кыргызнефтегаз”