Эртең Бишкектеги жарманкеде жетимиштей ишкана 3000ден ашуун бош жумуш орундарын сунуштайт

Назира Абдиева

17 окт. 2022 15:23

Бишкек шаарында бош жумуш орундар жана кесиптер жарманкеси өтө тургандыгын Эмгек, соцкамсыздоо жана миграция министрлиги билдирди.

Жарманке эртең, 18-октябрда саат 10:00-14:00 чейин Токтогул Сатылганов атындагы Кыргыз улуттук филармониясында өтөт. Иш-чарада 70-тен ашуун ишкана-мекемелердин өкүлдөрү кесипкөй адистерди издешет жана Бишкек шаардык иш менен камсыз кылууга көмөктөшүү башкармалыгы 3000ден ашуун бош жумуш орундарын сунуштайт.

Мындан сырткары, 10 жогорку окуу жайлары жана 20 кесиптик лицейлер кадрларды даярдоо мүмкүнчүлүктөрү тууралуу маалымат беришет. Иш-чарага катышкан иш берүүчүлөр потенциалдуу талапкерлер менен экспресс интервьюларды өткөрөт. Ал эми жогорку класстардын окуучулары ишканалар менен таанышып, кесипке багыт берүү тестинен өтүп, келечекте кесибин жана окуу багытын тандай алышат.

“Ошондой эле белгилүү, ийгиликтүү ишкерлер, ишкана негиздөөчүлөрү, тажрыйбалуу HR адистери жана мотивациялуу ийгилик тажрыйбасы бар спикерлер абитуриенттердин квалификациясын жогорулатуу максатында ар кандай темада мастер-класстарды өткөрүшөт.

Ошондой эле жарандарга жумушка орношууга көмөк көрсөтүү, кесипке үйрөтүү жана иш берүүчү менен алгачкы маектешүү боюнча кеңештер берилет”, – деп айтылат билдирүүдө.

Иш-чаранын негизги уюштуруучулары – Эмгек, социалдык камсыздоо жана миграция министрлиги, Бишкек шаардык иш менен камсыз кылууга көмөктөшүү башкармалыгы, JIA бизнес ассоциациясы. Кошумча уюштуруучулар – Билим берүү жана илим министрлиги жана Бишкек шаарынын мэриясы, Германиянын Эл аралык кызматташтык коомунун (GIZ) “Иш менен камсыз кылууга жана кесиптик окутууга көмөк көрсөтүү” долбоору.

Толук маалымат алуу үчүн төмөнкү даректерге кайрылса болот: Бишкек шаардык иш менен камсыз кылууга көмөктөшүү башкармалыгынын өкүлү, телефон: (755) 14-54-14

Мындан тышкары окуңуз

Баткендеги катуу шамалдын кесепети 16 млн сом чыгымга учуратты

27-июнда Баткен шаарында, ошондой эле Баткен жана Лейлек райондорунун аймагында катуу шамал болуп, шамалдын ылдамдыгы секундасына 27–28 метрге чейин жетти. Бул тууралуу президентинин Баткен облусундагы ыйгарым укуктуу өкүлүнүн басма сөз кызматы билдирди. Маалыматка ылайык, жаратылыш кырсыгынын кесепетинен айрым турак үйлөрдүн жана социалдык объектилердин чатырлары жабыркап, башка материалдык чыгымдар

Нарындагы мыйзамсыз курулган тосмолор буздурулууда

Нарын шаарынын Жаңы Жол чөлкөмүндө мыйзамсыз тосулуп алынган жер аянттарын кайтарып алуу максатында дубал тосмолор жана сарайлар бузулууда. Нарын шаардык мэриясынын маалымат кызматынын айтымына караганда, “Жерлерди өзүм билемдик менен мыйзамсыз ээлеп алуу фактыларын алдын алуу жана болтурбоо” жөнүндөгү президенттин 109 -Жарлыгынын алкагында мыйзамсыз курулуштарды аныктоо, бузуу боюнча жарандарга билдирүүлөр да

Кыргызстан менен Пакистан соода-экономикалык долбоорлорду ишке ашырат

Инвестициялар боюнча улуттук агенттиктин башчысы Равшанбек Сабиров Пакистандын Лахор шаарындагы Кыргызстандын ардактуу консулу менен жолугушту. Аталган мекеменин маалыматына ылайык, жолугушууда Кыргызстан менен Пакистандын ортосундагы инвестициялык жана соода-экономикалык кызматташуунун келечектүү багыттары талкууланды. Пакистан тарап Кыргызстандын инвестициялык мүмкүнчүлүктөрү, артыкчылыктуу тармактары жана инвесторлор үчүн каралган мамлекеттик колдоо чаралары менен таанышты. Равшанбек Сабир

“Кыргыз Петролеум Компаниясын” жаңылоого 409,9 млн доллар каралган

Министрлер Кабинетинин төрагасынын орун басары Эрлист Акунбеков Жалал-Абад облусуна болгон жумуш сапарынын алкагында Манас шаарында өлкөдөгү күйүүчү-майлоочу май маселелерине байланыштуу тиешелүү мамлекеттик органдардын жетекчилеринин жана мунай менен иш алып барган бир катар жеке компаниялардын жетекчилеринин катышуусунда жыйын өткөрдү. Президенттик админстрациянын маалыматтык саясат бөлүмүнүн маалыматына ылайык, отурумда негизинен “Кыргызнефтегаз”