«Кагазда өсүп жатасыңар, анан улам-улам казынабызды колдоого деп карыз сурап жатасыңар» - депутат

Назира Абдиева

24 окт. 2022 23:59

Бүгүн, 24-октябрдагы Эл аралык иштер, коргоо, коопсуздук жана миграция боюнча комитетинин жыйынында депутат Адахан Мадумаров тыштан бюджетти колдоого карыз алууну токтотуу сунушун берди.

Белгилей кетсек, комитетте министрлер кабинетинин Азия Өнүктүрүү Банкы (АӨБ) тарабынан туруктуулукту жогорулатуу программасы боюнча бериле турган 50 млн долларлык кредиттик жана гранттык макулдашууну жактыруу жөнүндө буйругунун долбоору каралды. Анын 25 млн доллары – кредит, 25 – млн доллары грант.

Жыйында баяндама жасаган Финансы министринин орун басары Руслан Татиков аталган каражат бюджетти колдоого жумшалаарын айтты. Ал эми депутат Адахан Мадумаров казынага сырттан карыз алууну токтотуу керектигин баса белгиледи.

“Кредит – бул карыз. Бюджетти колдоого деп келген акча кайра чыкпайт. Программада айлыкты, пенсияны колдоого кетет деп турат. Небере-чеберелерибиздин атынан бүгүн пенсия алганыбызды токтотолу десек, кыргыз эли макул болот. Карыз алганды токтотпойсуңарбы. Мен түшүнбөй калдым, Акылбек Жапаровду карап отурсаң, космоско чыгып баратабыз, бизди токтотоор киши жок. Бул кандай, кагазда аябай катуу өсүп атасыңар, анан улам-улам казынабызды колдоого деп карыз сурап атасыңар. Логиканы түшүнбөйм”, – деди ал.

Ал эми Татиков кредитти тескерисинче, аны алуу керектигин, экономика кредит менен гана өсө тургандыгын айтты.

Мындан тышкары окуңуз

Бишкектеги "Дельфин" бассейни реконструкцияга даярдалууда

Бишкек шаарындагы "Дельфин" бассейнинин имаратына инженердик-техникалык текшерүү жүргүзүлдү. Бул тууралуу Курулуш, архитектура жана турак жай-коммуналдык чарба министрлиги билдирди. Текшерүү Жаш Гвардия бульварында жайгашкан имараттын учурдагы техникалык абалын аныктоо жана реконструкция иштерине байланыштуу жүргүзүлдү. Адистер объекттин техникалык документтерин карап чыгып, имараттын конструкцияларына комплекстүү инженердик талдоо жүргүзүштү. Текшерүүнүн

ИИМ: Эгемендүүлүк күнүнө карата 5 миң сом берилет деген маалымат жалган

Социалдык тармактарда президент Садыр Жапаровдун атынан Эгемендүүлүк күнүнө карата жарандарга 5 миң сом өлчөмүндө бир жолку төлөм берилери тууралуу жалган маалымат таралууда. Бул тууралуу Ички иштер министрлигинин басма сөз кызматы билдирди. Жасалма жарыяда жарандарга атайын шилтеме аркылуу каттоодон өтүп, төлөм алуу сунушталууда. ИИМ мындай шилтемелерге кирбөөгө, жеке маалыматтарды, банктык реквизиттерди

25-августта Бишкектин айрым аймактарында электр энергиясы үзгүлтүккө учурайт

25-августта Бишкек шаарында жана ага жакын аймактарда электр тармактарын оңдоо жана жаңылоо иштерине байланыштуу айрым жерлерде жарык убактылуу өчүрүлөт. Бишкек электр тармактар ишканасынын маалыматына ылайык, иштер электр тармактарынын ишенимдүүлүгүн жогорулатуу жана авариялык өчүүлөрдү алдын алуу максатында жүргүзүлөт. Бишкек шаарында төмөнкү аймактарда: - 09:30–17:00 — Чүй проспектиси, №45, 47,

Кадамжайдагы заводдо бетон аралашмаларынын сапаты текшерилди

Баткен облусунун Кадамжай районундагы Үч-Коргон айылында жайгашкан бетон заводунда сертификаттоо иштери жүргүзүлдү. Бул тууралуу Курулуш, архитектура жана турак жай-коммуналдык чарба министрлиги билдирди. Текшерүү учурунда адистер өндүрүш процессин карап чыгып, чыгарылып жаткан бетон аралашмаларынын техникалык талаптарга жана ченемдик документтерге шайкештигин баалашты. Ошондой эле лабораториялык сыноо үчүн бетон кубиктеринин үлгүлөрү