МИК учурда 15.6 миң арыз кабыл алды, андан 236 арыз каралууда

МИК учурда жарандардын 15 миң 675 арызын кабыл алып, 6 миң 741 адам банктардын кароосуна кезеке коюлду. Бул тууралуу МИКтин төрайымы Аида Төлөгөнова билдирди.

Жогорку Кеңештин «Альянс» парламенттик фракциясынын депутаттары МИКтин имаратында көчмө жыйын өткөрүшкөн.

Жыйында баяндама жасаган МИКтин төрайымы Аида Төлөгөнова белгилегендей, компания 2015-жылы ипотека рыногун өнүктүрүү аркылуу калктын насыяга жеткиликтүүлүгүн жакшыртуу максатында түзүлгөн.

«Бул убакыт ичинде 7606 үй-бүлө 11 млрд 840 млн сомго турак жай менен камсыздалды. Учурда жарандардын 15 миң 675 арызы кабыл алынып, 6 миң 741 адам банктардын кароосуна кезеке коюлду, 236 арыз каралууда», – деди Төлөгөнова.

Жыйында Башкармалыктын төрайымынын орун басары Тилек Жээмбаев МИК турак жайды куруу маселеси боюнча иштеп жатканын, бул багытта жергиликтүү өз алдынча башкаруу органдары 300 га жер тилкесин бөлүп берүүгө даяр экендигин маалымдады. 

«Аянты 1 гектарга жакын жер тилкелерине МИК өз каражатынан турак жай курууну көздөп жатат, 1 гектардан ашкан жерлерге кошумча каражаттарды тартуу үчүн инвестициялык сынак жарыяланат», – деди ал.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Токтогул шаары 5,3 млн сомго таштанды ташуучу унаа сатып алды

20-ноябрда Бишкектин кээ бир аймактарында суу берилбейт

Кыргызстан менен Казакстан салык тармагындагы кызматташтыкты талкуулады

Улуттук банк 1 коммерциялык банкка 5 миң 354 сом айып пул салды

Кыргыз-өзбек чек арасында бажы-логистикалык терминал ачылды