7.5 кг алтын куймасы менен кыргызстандык аял Индиянын аэропортунда кармалды
Делидеги (Индия) Индира Ганди атындагы эл аралык аэропортто Кыргызстандын жараны 7.5 кг алтынды мыйзамсыз алып өтүүгө аракет кылган деген шек менен бажы кызматкерлери тарабынан кармалганын Ommcom News порталына шилтеме берүү менен 24.kg жазып чыкты.
Маалыматка таянсак, 27-октябрда Кыргызстандан учкан аял аэропортто 4 алтын куймасын ич кийимине тигилген убактылуу чөнтөктөрүнө катып, мыйзамсыз алып өтүүгө аракет кылган. Кармалган учурунда ал алтын куймалардын документтерин көрсөтө алган эмес.
Бажы кызматкерлери аткезчилик фактысы боюнча кылмыш ишин козгоду. Аталган портал, кыргызстандык аял жергиликтүү сотко жеткирилип, 14 суткага камакка алынганын билдирди.
Кошумча окуңуз:
Улуттук банк 12 кг алтын куймаларын сатып баштады. Бир куймасы канча турат?
Жыл башынан бери кыргызстандыктар Улуттук банктан дээрлик 223 кг алтын сатып алышты
Улуттук банк алтын куймаларын КФБнын соода аянтында сатыкка чыгарганын расмий билдирди
