Жыл башынан бери 61 миң жаран пенсияга чыкты
Соцфонд 2022-жылдын январь-октябрь айларында 61 миң 145 жаранга пенсия чектеди. Бул тууралуу фонддун маалымат кызматы билдирди.
Ал эми 2022-жылы октябрь айында 3009 жаранга пенсия чектелген. Андан тышкары, Соцфонд эмгек стажы, эмгек акысы, окуусу жана майыптыгы боюнча 986 пенсионерге кошумча берилген документтерге ылайык, пенсиялар кайрадан эсептелингенин айтат.
Белгилей кетсек, 1-сентябрга карата 733 миң 380 адам пенсия алат, быйыл пенсиянын базалык бөлүгү 1780 сомдон 3170 сомго, камсыздандыруу бөлүгү 15%га өскөн.
