Аймактар боюнча көмүрдүн баасы белгиленди
Министрлер кабинетинин 2-ноябрдагы “КР аймактарында көмүрдүн баасын убактылуу мамлекеттик жөнгө салууну киргизүү жөнүндө” токтомун аткаруу максатында көмүрдүн жогорку баалары белгиленди. Бул тууралуу Монополияга каршы агенттиктин басма сөз кызматы билдирди.
Стационардык пункттарда жана отун базаларында, ошондой жергиликтүү администрациялар тарабынан атайын бөлүнгөн жайларда сатылуучу Кыргызстанда чыккан көмүрдүн бааларынын жогорку чеги облустар, райондор, Бишкек жана Ош шаарлары боюнча төмөнкүдөй өлчөмдөрдө белгиленди:
- Бишкек шаарында жана Чүй облусунда – тоннасы 4000 сомдон.
- Нарын облусунда – тоннасы 2200дөн (Жумгал району) 4000 сомго чейин.
- Ош облусунда – тоннасы 4000 сомдон 6500 сомго чейин.
- Жалал-Абад облусунда – тоннасы 4000 сомдон 6000 сомго чейин.
- Ысык-Көл облусунда – тоннасы 3600 сомдон 5500 сомго чейин.
- Талас облусунда – тоннасы 6300 сомдон 6800 сомго чейин.
- Баткен облусунда – тоннасы 4000 сомдон 8000 сомго чейин.
Ошондой эле, учурда Монополияга каршы мамлекеттик орган Казакстандан ташылып келүүчү көмүрдүн баасынын максималдуу чегин тактоо боюнча иш жүргүзүп жатканы маалым болду.
Тактай кетсек, облустарда жана райондордо көмүр бул тизмеде көрсөтүлгөн баалардан өйдө сатылбашы керек:
