Зыяндуу түтүндү азайтуу үчүн Кара-Кече көмүрүн брикеттөө сунушталууда

«Жашыл энергия» коомдук фондунун төрайымы, «Кыргызстандын Жашыл альянсынын» башкармалыгынын мүчөсү Анара Султангазиева 2-ноябрда Economist.kg уюштурган «Бишкек түтүн каптаган дагы бир кышка даярбы» деген темадагы тегерек столдо жергиликтүү көмүрдү брикеттөө керек деген пикирин билдирди.

Эң негизги аба булгоочулар бул үйлөрүн от жагып жылыткан жергиликтүү тургундарбы деген суроого Султангазиева аларды күнөөлөгөн туура эмес экенин айтты.

«Экологиялык жактан таза жылытуу ыкмаларына элдин дайыма эле акчасы жете бербейт. Керек болсо жөнөкөй эле, сапаты начар көмүргө да акчасы дайыма боло бербейт, ошондуктан алар ар нерсени жагып, жылынышат, бул алардын күнөөсү эмес. Бул жерде мамлекеттин күнөөсү бар, анткени ал Монголияга окшоп субсидия берип, колдоо көрсөтүшү керек», – деди ал.

Мындан тышкары, Султангазиева эгерде бийлик жергиликтүү өндүрүштү ушунчалык колдогусу келсе, жок дегенде ошол эле Кара-Кече көмүрүн брикеттөө керектигин белгилеп айтты.

«Эгерде биз жергиликтүү көмүрдү брикет кылып чыгарсак, ал атмосферага азыраак түтүн бөлүп чыгарат. Анан ошол эле Монголиядагыдай практиканы киргизели. Аларда түнкүсүн электр энергиясы бекер, эл үйлөрүн түнү жылытып, күндүзү аз от жагышат. Жагышканда да брикеттелген көмүр гана жагышат. Мамлекет керектүү чечимдерди кабыл алар замат, түтүн маселесин кескин жана тез чечишти», – деп жыйынтыктады «Жашыл энергиянын» жетекчиси.

Бул тема боюнча башка материалдарды окуңуз:

«Түтүн көйгөйү табигый көрүнүш эмес, бул бийликтин конкреттүү саясаты» – Бермет Борубаева

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Ысык-Көлдө 100гө жакын кызматкер суу тарифтери боюнча талкууга катышты

Куткаруучулар 10 айда 428 адамды өлүмдөн сактап калышты

Малайзияда темир жол тармагында тажрыйба алмашуу маселелери талкууланды

Бишкекте аянты 12 000 чарчы метрди түзгөн спорт академиясы курулууда

Кыргызстан менен АКШнын кызматташуу маселелери сүйлөшүлдү