КР Эмгек министрлигинин Москвада өкүлчүлүгү ачылды - «Жүк-200», жумуш маселесин карайт

Эмгек, социалдык камсыздоо жана миграция министрлиги Россияда, Москва шаарында миграция жана жарандарга мыйзамдуу ишке орношууга жардам берүү боюнча Өкүлчүлүктүн ачылганын кабарлады.

Өкүлчүлүктө кыргызстандыктар Россиянын жумуш берүүчүлөрүн издөөдө жана ишке орноштурууда, тандоодо жана байланыш түзүүдө, жарандарды ишке орноштуруу боюнча келишимдерди түзүүдө жардам ала алышат.

“Ал жерден эмгек миграциясы, Россиянын миграциялык жана эмгек мыйзамдарынын өзгөчөлүктөрү боюнча кеңеш алууга болот. Кызматкерлер мекендештердин коомдук уюмдарына көмөк көрсөтүшөт”, – дейт министрлик.

Мындан тышкары, өкүлчүлүккө элчиликтин төмөнкү функциялары берилген:

• КРын жарандарынын сөөгүн мекенине кайтаруу менен байланышкан бир жолку төлөмдөр боюнча жарандардын арыздарын кабыл алуу жана кароо
• иш берүүчүлөр менен эмгек талаш-тартыштары боюнча, анын ичинде эмгек акыларын төлөбөй коюу боюнча жарандардын арыздарын кабыл алуу жана кароо.

Өкүлчүлүк КРнын Россиядагы элчилигинен 700 метр аралыкта жайгашкан. Дареги: Москва ш., Малая Полянка көч., 7 курулуш 5 (метро Октябрьская (400 м.) метро Полянка (300 м.)