Бүтпөс жомок - Бийлик Бишкектен бүт кичи автобустарды алып, электробустарды алып келүүнү дагы убада кылды
Бишкек мэриясы 370 автобус, 120 электробус сатып алып, Бишкектин борбордук бөлүгүнөн кичи автобустарды алып салат. Бул тууралуу маалымат жыйынында Транспорт жана жол инфраструктурасын өнүктүрүү департаментинин директору Максат Нусувалиев билдирди.
Нусувалиев мэрия үч долбоордун үстүндө иштеп жатканын белгиледи.
- ЕРӨБдүн долбоорунун алкагында 250 автобус сатып алуу пландалууда. 124 автобустун биринчи партиясы 2023-жылдын биринчи жарымында күтүлүүдө.
- АӨБ каржылаган экинчи долбоор боюнча 120 электробус сатып алуу каралган.
- Кошумчалай кетсек, жыл башында 100 автобус сатып алууга 1 млрд сом бекитилсе, кийинчерээк бул сан 120 автобус алууга чейин өскөн. Алардын Бишкекке жыл аягына чейин келери күтүлүүдө. Алардын баары газ менен иштейт, экологиялык талаптарга жана ден соолугунун мүмкүнчүлүгү чектелген жүргүнчүлөрдү ташуу талаптарына толук жооп берет.
«Бул техникалар келгенден кийин Бишкектин борбордук бөлүгүнөн бардык кичи автобустарды чыгарууну пландап жатабыз», – деди департаменттин директору.
Нусувалиев автобус болобу, троллейбус же электробус болобу, жол кире 11 сомдон болорун кошумчалады.
Белгилей кетсек, бийлик 2020-жылдан бери Бишкекке автобустарды алып келүүнү жана кичи автобустарды алып салууну убадалап келет. Мэрия июль айында эле Бишкекте ушул күздөн тартып маршруткалар жүрбөйт деп убада кылган болчу.
Кошумча окуңуз:
Бишкек мэриясы 350 автобус алып келүү боюнча келишим түздү
ЕРӨБ КРга 33 млн евро насыя берет
КР Бишкекке автобустарды алуу үчүн АӨБдөн дагы 56 млн доллар кредит алат
Кыргызстан ЕРӨБдөн алган кредитке Кытайдан автобус алат
Кыргызстан жакында ала турган автобустарга жыл сайын 2.8 млн евродон кредит төлөйт – дагы карыз
КР ЕРӨБдөн автобус алууга алчу акчанын басымдуу бөлүгү кредит түрүндө келет – 25 млн евро
Өзбекстандан келген 210 автобустун 110 гана иштеп жатат, айдоочу жок – вице-мэр
Бишкекке 120 автобус алынат – АӨБ 50 млн доллардан ашык каражат берет
Күздөн баштап Бишкектин борбордук көчөлөрүндө маршруткалар жүрбөйт – мэрия
Бишкектин жетекчилиги 200 автобус сатып алууга шашылыш тендер жарыялады
Бишкек мэриясы АӨБ менен биргеликте 120 электробус алып келүү боюнча тендердин жеңүүчүсүн аныктоодо
АӨБ берген каражатка жакында Бишкекке 120 автобус алынат – мэрия
