Брюссель шаарында КР менен Европа Биримдигинин 19-жыйыны өттү

Назира Абдиева

16 нояб. 2022 18:07

Кечээ 15-ноябрда Брюссель шаарында КРнын Тышкы иштер министри Жээнбек Кулубаев КР менен Европа Биримдигинин ортосундагы Кызматташтык кеңешинин 19-жыйынына катышты. Бул тууралуу ТИМдин маалымат кызматы билдирди.

Еврокомиссиянын, Европанын тышкы иш-аракет кызматынын жана Евробиримдикке Чехиянын төрагалыгынын өкүлдөрүнөн турган европалык делегацияны Чехиянын тышкы иштер министри Ян Липавский жетектеди.

Жолугушуунун алкагында эки тараптуу, аймактык жана эл аралык мүнөздөгү маселелердин кеңири тизмеси каралды.

Кыргызстан менен Евробиримдик 2021-2024-жылдарга 62 млн еврону түзгөн Көп жылдык индикативдик программанын алкагында Европа Биримдигинин каржылык колдоо пакетин ишке ашырууда жакшы динамиканы белгилешти. Кызматташтыктын үч артыкчылыктуу багыттары боюнча долбоорлорду мындан ары ишке ашыруу боюнча макулдашышты: санариптик трансформация, билим берүү, жашыл жана туруктуу экономика”, – деп айтылат маалыматта.

Жолугушуунун катышуучулары экономикалык, азык-түлүк жана энергетикалык коопсуздук үчүн заманбап чакырыктарды жеңүү үчүн эки тараптуу жана көп тараптуу кызматташуунун мүмкүнчүлүктөрүн талкуулашты.Соода мамилелерин чыңдоо максатында, преференциялардын жалпыланган схемасын колдонуунун натыйжалуулугун жогорулатуу жана колдонуу мөөнөтүн узартуу жолдору каралды.

Делегациялар ошондой эле КРда жана Европа Биримдигинде адам укуктарын жана эркиндиктерин илгерилетүү маселелерин талкуулашты. Массалык маалымат каражаттарынын эркиндигин камсыз кылуу практикасы, фейк жана кастык сөздөр менен күрөшүү боюнча пикир жана маалымат алмашышты. Жыйынтыгында тараптар саясий байланыштарды жана өз ара пайдалуу кызматташтыкты өнүктүрүү үчүн ачык диалогду жогорку деңгээлде улантууга макулдашышты.

Мындан тышкары окуңуз

Кыргызстанда 476 миңден ашуун адам жөлөк пул алат

Республика боюнча 476 миңден ашык жаран жөлөк пул жана компенсация менен камсыз болууда. Бул тууралуу Эмгек министринин биринчи орун басары Камчыбек Досматов Пекинде өтүп жаткан Жакырчылыкты кыскартуу жана өнүгүү боюнча Глобалдык форумда билдирди. Анын айтымында, учурда өлкөдө 1,5 миллионго жакын адам социалдык кызматтарды пайдаланат. Ошондой эле 590 миңден ашуун

Өсүмдүктөрдүн карантин лабораториялары 4 айда 1,3 млн сом тапты

Быйылкы жылдын алгачкы төрт айында өсүмдүктөрдүн карантини боюнча лабораторияларга жалпы 7965 үлгү түшүп, 18 848 экспертиза жүргүзүлдү. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти. Маалыматка ылайык, лабораторияларга импорттук продукциялардан 5559, экспорттук продукциялардан 1767 үлгү кабыл алынган. Мындан тышкары, изилдөө иштеринен 379 жана жарандардын кайрылуулары

Кыргызстан эл аралык издөөдөгү жаранды Францияга өткөрүп берди

Башкы прокуратуранын маалыматына ылайык, экстрадиция Бириккен Улуттар Уюмунун Трансулуттук уюшкан кылмыштуулукка каршы конвенциясынын алкагында жана эл аралык милдеттенмелердин негизинде ишке ашырылды. Франциянын компетенттүү органдарынын маалыматы боюнча, аталган жаран кылмыштуу топтун курамында чет өлкөлүк жарандардын Францияга жана Шенген аймагындагы айрым мамлекеттерге мыйзамсыз кирүүсүнө көмөктөшүүгө шектелүүдө. Экстрадиция Башкы прокуратура менен Интерполдун Кыргызстандагы

Айтматов райондук электр тармагы 47 жылдан кийин жаңыланууда

Талас электр тармактар ишканасына караштуу Айтматов райондук электр тармагынын административдик имараты капиталдык оңдоодон өткөрүлүп жатат. Бул тууралуу Энергетика министрлигинен билдиришти. Маалыматка ылайык, учурда оңдоо иштеринин 60 пайызы аяктады. Имарат заманбап стилде жаңыланып, ички жана тышкы бөлүктөрү толук оңдолууда. Капиталдык оңдоонун алкагында чатыр алмаштырылып, эшик-терезелер жаңыртылып, инженердик коммуникациялар, жылытуу жана электр