Баткен жана Оштун жабыркаган тургундарынын дээрлик 20 млн сомдук кредити жоюлду
Баткен жана Ош облустарындагы куралдуу кагылышууда жабыркаган карыз алуучуларга көмөк көрсөтүү боюнча иштер жүргүзүлүп, натыйжада, дээрлик 20 млн сомдук кредиттер жоюлду. Бул тууралуу Улуттук банк билдирди.
ФКУдан алынган маалыматтар боюнча, 2022-жылдын 10-ноябрына карата финансы-кредит уюмдарына (ФКУ) 443 карыз алуучу кайрылган, алардын ичинен 19 млн 370 миң сом суммасында 280 кредит эсептен алынып салынган, 28 млн 836 миң сом суммасында 138 кредит реструктуризацияланган.
Ошондой эле Улуттук банк ФКУ банк мыйзамдарына ылайык тиешелүү чараларды көрүп жатканын маалымдады.
