Кыргызстан менен Сауд Арабиясынын ортосундагы соода жүгүртүү быйыл 1.2 млн долларды түздү

2022-жылы эки өлкөнүн ортосундагы товар жүгүртүү 1 млн 255 миң долларды түздү. Бул өткөн жылдын ушул мезгилине салыштырмалуу 4.2 эсе көп. Мындай маалыматты КРнын Сауд Арабиядагы элчиси Улукбек Марипов берди.

Марипов Сауд Арабиясынын Тышкы соода-сатык иши башкы башкармалыгынын жетекчиси Мухаммад Аль-Абдульжаббар менен жолугушкан.

“Жакынкы арада Кыргызстан менен Сауд Арабиясынын ортосунда түз авиа каттамдар ачылат. Өз кезегинде мен бул мүмкүнчүлүктү максималдуу түрдө пайдаланып, ал аркылуу товар жүгүртүүнүн көлөмүн жогорулатууну сунуштадым. Ошондой эле акыркы убактарда Кыргызстанда көптөгөн кызыктуу экономикалык жана инвестициялык долбоорлор даярдалып жатканы тууралуу айтып бердим”, – деди элчи.

Жолугушууда Мухаммад Аль-Абдульжаббар өз кезегинде сунуштарды колдой тургандыгын билдирип, Сауд Арабиясы бардык багыттар боюнча Кыргызстан менен болгон соода-экономикалык кызматташтыкты өнүктүрүүгө кызыкдар экендигин белгилеген.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Кыргызстан менен Казакстан салык тармагындагы кызматташтыкты талкуулады

Улуттук банк 1 коммерциялык банкка 5 миң 354 сом айып пул салды

Кыргыз-өзбек чек арасында бажы-логистикалык терминал ачылды

Кыргыз-казак соода-экономикалык кызматташтыгы талкууланды

Улуттук банк бир нече акча алмашуу жайына чара колдонуп, 1 жаранга айып пул салды