Казинодо ойногону келгендер Кыргызстанга визасыз киргизилет

Экономика министрлиги Кыргызстанга казинодо ойноо үчүн келген чет элдиктерди визасы жок киргизүүнү сунуштады. Визасыз жүрүү мөөнөтү 15 күндү түзөт. Тиешелүү мыйзам долбоору коомдук талкууга чыгарылды.

Бул өзгөртүүнүн демилгечилери Кыргызстанда казинодо ойноону каалаган чет элдиктерге өлкөдө визасыз жана каттоосуз жүрүүгө уруксат берүүнү сунуштап жатышат. Кеп Ысык-Көл облусундагы “Каракол” эркин экономикалык аймагынын аймагындагы атайын “Тамчы” оюн зонасына кумар ойногону келгендер тууралуу болуп жатат.

Ал документке ылайык, Кыргызстандагы казинолорго келген чет элдиктер чек арадан паспорт менен өтө алышат. Башка документтердин кереги жок болот. Бирок бул укукту пайдалануу үчүн алар Кыргызстандын кумар оюндар аймагына гана бараткандыгын алдын ала билдириши керек.

Чет элдиктер чек арадан өтөрү менен Кыргызстандын башка аймактарына барбай, дароо кумар оюндарына барууга аргасыз болушат. Бирок бул кандайча ишке ашарын өкмөт азырынча тактай элек.

Чет өлкөлүктөрдүн атайын кумар зонасында жүрүүсү 15 күн менен чектелет.

Кумар оюн зонасынан чыгуу – КР чек арасын мыйзамсыз кесип өтүү катары каралып, катуу жазаланат. Тартип бузгандар бир жылдан үч жылга чейин түзөтүү жумуштарына тартылып, эсептик көрсөткүчтүн 500дөн 1000гө чейинки өлчөмүндө (50-100 миң сом) айып төлөшү же эки жылга чейинки мөөнөткө эркиндигинен ажыратылышы мүмкүн.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Ысык-Көлдө 100гө жакын кызматкер суу тарифтери боюнча талкууга катышты

Куткаруучулар 10 айда 428 адамды өлүмдөн сактап калышты

Малайзияда темир жол тармагында тажрыйба алмашуу маселелери талкууланды

Бишкекте аянты 12 000 чарчы метрди түзгөн спорт академиясы курулууда

Кыргызстан менен АКШнын кызматташуу маселелери сүйлөшүлдү